ԵՐԵՎԱՆ, 25 հունիսի – Sputnik. Ստեփանակերտ-Դրմբոն ճանապարհահատվածի 25-րդ կիլոմետրին «Ուրալ» մակնիշի մեքենա է շրջվել, ինչի հետևանքով 20 տարեկան երիտասարդ է տուժել։ Տեղեկությունը հայտնում է Արցախի արտակարգ իրավիճակների պետական ծառայությունը։
Ըստ հաղորդագրության` հունիսի 25-ին, ժամը 00:15-ին ԱԻ պետական ծառայության ահազանգման կենտրոնը հաղորդում է ստացել, որ Մարտակերտի շրջանի Կիչան համայնքի ճանապարհին տեղի է ունեցել ճանապարհատրանսպորտային պատահար:
Նույն ժամին հաղորդագրությունը փոխանցվել է Մարտակերտի շրջանային ԱԻ բաժնին՝ արձագանքման համար: Ժամը 00:16-ին Մարտակերտի ՀՓՄ-ին կից Առաջաձորի ՀՓՋ-ն մարտական հաշվարկով մեկնել է դեպքի վայր: Ճշտումներից պարզվել է, որ ՃՏՊ տեղի է ունեցել Ստեփանակերտ-Դրմբոն ճանապարհահատվածի 25-րդ կիլոմետրի վրա:
Պարզվել է, որ նշված ճանապարհահատվածին Ա.Ի-ն (ՀՀ Գեղարքունիքի մարզի Ներքին Գետաշեն գյուղի բնակիչ, 2001թ. ծնվ.) իր վարած «Ուրալ» մակնիշի ավտոմեքենայով ճանապարհին շրջվել է:
![Ստեփանակերտ-Դրմբոն ճանապարհին «Ուրալ» մակնիշի մեքենա է շրջվել Ստեփանակերտ-Դրմբոն ճանապարհին «Ուրալ» մակնիշի մեքենա է շրջվել - Sputnik Արմենիա, 1920, 25.06.2021](https://cdn.am.sputniknews.ru/img/07e5/06/19/28073215_0:0:750:1000_1920x0_80_0_0_4b569d832f8f3d7f503a20bb23e7931d.jpg)
Ողբերգական դեպք Երևանում. էլեկտրահարված երեխաներից մեկը մահացել է, մյուսի վիճակը ծանր է
Օգնություն ցուցաբերելու նպատակով ժամը 00:38-ին դեպքի վայր է ուղարկվել նաև հերթապահ օպերատիվ խումբը: Փրկարարները հատուկ սարքավորումների միջոցով վարորդ Ա.Ի-ին հանել են ավտոմեքենայի խցիկից և Վանք համայնքի հիվանդանոցի ավտոմեքենայով ուղարկել Ստեփանակերտի հոսպիտալ:
Ըստ բժիշկներից ստացած տեղեկության՝ տուժածի վիճակը գնահատվում է բավարար:
Արտակարգ դեպք Հայաստանում. մի տղամարդ որոշել էր թունավորել խմելու ջուրը