ԵՐԵՎԱՆ, 20 հունիսի - Sputnik. ՀՀ երրորդ նախագահ Սերժ Սարգսյանն ընտրատեղամաս եկավ թոռնիկի հետ։
![Սերժ Սարգսյանը քվեարկեց. նույնականացնող սարքը դարձյալ «չճանաչեց» նրա մատնահետքերը Սերժ Սարգսյանը քվեարկեց. նույնականացնող սարքը դարձյալ «չճանաչեց» նրա մատնահետքերը - Sputnik Արմենիա, 1920, 20.06.2021](https://cdn.am.sputniknews.ru/img/07e5/06/14/27999723_0:0:1620:1080_1920x0_80_0_0_b3ba8bf4126f24f63faf61a1d27966e7.jpg)
Ընտրատարածքում գրանցվելու պահին ծագեց նույն խնդիրը, որը նախկինում էլ էր եղել. նույնականացնող սարքը չընթերցեց նախկին նախագահի մատնահետքը։
![Սերժ Սարգսյանը քվեարկեց. նույնականացնող սարքը դարձյալ «չճանաչեց» նրա մատնահետքերը Սերժ Սարգսյանը քվեարկեց. նույնականացնող սարքը դարձյալ «չճանաչեց» նրա մատնահետքերը - Sputnik Արմենիա, 1920, 20.06.2021](https://cdn.am.sputniknews.ru/img/07e5/06/14/27999766_0:0:1620:1080_1920x0_80_0_0_acca5560b1f5f51a9a08ac8d27e06411.jpg)
ՀՀ երրորդ նախագահը նույն խնդրին է բախվում 2017թ–ից ի վեր, երբ Հայաստանում սկսեցին կիրառել մատնահետքը նույնականացնող սարքեր։
Այս անգամ ևս երկու ձեռքերի բոլոր մատների մատնահետքերը փորձելուց հետո քվեարկություն կատարելու իրավունք ընձեռեցին նրան։
![Սերժ Սարգսյանը քվեարկեց. նույնականացնող սարքը դարձյալ «չճանաչեց» նրա մատնահետքերը Սերժ Սարգսյանը քվեարկեց. նույնականացնող սարքը դարձյալ «չճանաչեց» նրա մատնահետքերը - Sputnik Արմենիա, 1920, 20.06.2021](https://cdn.am.sputniknews.ru/img/07e5/06/14/27999728_0:0:1620:1080_1920x0_80_0_0_d10673687ec05742f6bc820b449e5e73.jpg)
Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։
Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։
Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։
Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել