ԵՐԵՎԱՆ, 15 հունիսի - Sputnik. ՀՀ առաջին նախագահ, «Հայ ազգային կոնգրեսի» վարչապետի թեկնածու Լևոն Տեր–Պետրոսյանը կարծում է, որ այսօր Ադրբեջանի նախագահ Իլհամ Ալիևից որևէ վտանգ չկա. անհնար է Հայաստանի և Ադրբեջանի միջև պատերազմը։ Տեր-Պետրոսյանը նման կարծիք հայտնեց «Հանրային հեռուստաընկերությանը» տված հարցազրույցում։
«Ալիևից ոչ մի վտանգ չկա` խաղաղություն է տիրում, ռուսական զորքերը կանգնած են և պատերազմն անհնար է։ Սակայն ընթացը պետք է լինի Թուրքիայի և Ադրբեջանի հետ համաձայնության գալը։ Հավերժ թշնամիներ չեն կարող լինել 2 հարևանները` մենք մեր գոյությունն ենք վտանգում»,–ասաց Տեր-Պետրոսյանը։
Նրա խոսքով` այլևս որևէ հայ չի կարող լուծել Ղարաբաղի հարցը` չկա նման բան` ԼՂ հարցի լուծումն այլևս մեզնից չէ կախված։
Նշենք, որ Հայաստանում նախընտրական քարոզարշավը մեկնարկել է հունիսի 7–ին։ Արտահերթ խորհրդարանական ընտրությունները կկայանան հունիսի 20–ին։ Դրանց մասնակցում է 21 կուսակցություն և 4 դաշինք։
«Լավատես չեմ, որ ընտրությունները հաշտ կանցնեն. կենաց-մահու խնդիր է». Տեր–Պետրոսյան
