ԵՐԵՎԱՆ, 11 հունիսի - Sputnik. ՀՀ ԱԺ պատգամավոր, «Բարգավաճ Հայաստան» խմբակցության քարտուղար Արման Աբովյանի համար զավեշտալի և անընդունելի է առհասարակ գերիների հարցը քաղաքական թրենդ դարձնելը։ Աբովյանը նման կարծիք հայտնեց Sputnik Արմենիա մուլտիմեդիոն մամուլի կենտրոնում կայացած ասուլիսի ժամանակ` անդրադառնալով գերիների թեմայով վերջին օրերի լուրերին ինչպես վարչապետի պաշտոնակատար Նիկոլ Փաշինյանի, այնպես էլ ՀՀ երրորդ նախագահ Սերժ Սարգսյանի կողմից։
Նշենք, որ Փաշինյանն ասել էր, թե Բաքվի բանտերում գտնվող տղաները մեզ կներեն մեկ–երկու ամիս ավել գերության մեջ մնալու համար, ինչին ի պատասխան Սարգսյանն էլ նշել էր` այդ դեպքում թող Փաշինյանն իր որդուն մեր 20-25 գերիների հետ փոխանակի։ Փաշինյանն արձագանքել էր` ասելով, թե պատրաստ է նամն քայլի դիմել։
«Ի՞նչ է նշանակում՝ երկու ամիս կսպասեն գերիները. այնտեղ ամեն վայրկյանը դժոխք է։ Չմոռանանք Բաքվի քայլերը, որը դատեր է անում՝ մեր գերիներին տեռորիստներ ներկայացնելով։ Ադրբեջանը փորձում է իր անասնական, տեռորիստական կեցվածքը քողարկել իբր թե տեռորիստների դեմ գործեր հարուցելով»,–ասաց Աբովյանը` հավելելով` թող այս ամենի գնահատականը ժողովուրդը տա։
Ո՞րը կլիներ Արա Այվազյանի ճիշտ քայլը. Ղազարյանը` ԱԳՆ–ում ստեղծված ճգնաժամի մասին
Աբովյանը նշեց` շոուների կազմակերպման հարց ԲՀԿ–ն իր առջև չի դնում` առանց այն էլ հասարակությունը բզկտված է։
Նրա խոսքով` գերիների հարցով այժմ պիտի զբաղվեր մեր ԱԳՆ–ն, սակայն այսօր «գլխատված» ԱԳՆ ունենք։ Աբովյանը նկատեց` մինչև օրս հստակ պատախան չկա, թե ինչ է կատարվում ԱԳՆ-ում։ Աբովյանը կարծում է, որ ԱԳՆ–ից հեռացողներն ինչ–որ տեղեկության են տիրապետում, և նա կոչ արեց հեռացողներին որոշ փակագծեր բացել։
Հիշեցնենք` մայիսի 27-ին հրաժարականի դիմում էր ներկայացրել ԱԳ նախարարի պաշտոնակատար Արա Այվազյանը: Նա ասել էր` հրաժարականի որոշումը պայմանավորված էր հենց այն պատճառով, որպեսզի երբևիցե որևէ կասկած չլինի, որ ԱԳՆ–ն կարող է ինչ-որ քայլ անել կամ համաձայնություն տալ ինչ-որ գաղափարների, նախաձեռնությունների, որոնք մեր պետական շահի դեմ են եղել։
Հունիսի 8-ին էլ, ՀՀ վարչապետի պաշտոնակատար Նիկոլ Փաշինյանի որոշմամբ, նախարարի տեղակալներ Ավետ Ադոնցը, Արտակ Ապիտոնյանն ու Գագիկ Ղալաչյանն ազատվեցին զբաղեցրած պաշտոններից:
Ավինյանը վավերացրել է Փաշինյանի որոշումը. ԱԳ 3 փոխնախարարներն ազատվել են աշխատանքից
