ԵՐԵՎԱՆ, 6 հունիսի - Sputnik. Այս տարվա 23-րդ շաբաթը լի էր ինչպես արտակարգ դեպքերով, այնպես էլ գեղեցիկ իրադարձություններով։ Հրշեջ–փրկարարներին ի վերջո հաջողվեց մարել 10 օր շարունակ այրվող Մասիս քաղաքի աղբավայրը։
Իսկ Երևանի կենտրոնական Աբովյան փողոցում հունիսի 2-ին անհայտ անձը հրազենից մահացու վիրավորում հասցրեց Գավառ քաղաքի բնակչին ու դիմեց փախուստի:
Բայց կյանքը շարունակվում է։ Ու դրա վկայությունն այս շաբաթ դարձավ Արցախյան պատերազմում զոհված կամավոր Հովհաննես Մարկոսյանի դստեր ՝ Միլանի ծնունդը։
Հովհաննես Մարկոսյանը գիտեր, որ հայր է դառնալու, բայց դա նրան հետ չպահեց պատերազմ մեկնելուց։ Երիտասարդ ամուսինները 4 տարի բուժվում էին երեխա ունենալու նպատակով։ Մայիսի 26-ին նրանց երազանքն իրականացավ, բայց հորը վիճակված չէր տեսնել իր երկար սպասված զավակին։
Հունիսի 4-ին Երևանում 5-րդ անգամ անցկացվեց գինու փառատոնը։ 2 օր տևած միջոցառման վերաբերյալ հանրության տեսակետները տարբեր էին` ոմանք նախընտրեցին մասնակցել ու կտրվել առօրյայից, մյուսներն այն համարեցին խրախճանք ժանտախտի ժամանակ ու ամենախիստ քննադատության արժանացրեցին թե՛ կազմակերպիչներին, թե՛ մասնակիցներին։
Բայց անկախ երկրում առկա իրավիճակից, Հայաստանն այնուամենայնիվ շարունակում է զբոսաշրջությունը համարել տնտեսական կարևոր ուղղւթյուններից մեկը։ Այս շաբաթ, զբոսաշրջային սեզոնին ընդառաջ, բնապահպանության նախարարի պաշտոնակատար Ռոմանոս Պետրոսյանի մասնակցությամբ Խոսրովի արգելոցում բացվեցին նոր էկո-զբոսաշրջային երթուղիները։
Կարող եք հայտեր ներկայացնել. Խոսրովի անտառը նոր առաջարկ ունի. տեսանյութ
