ԵՐԵՎԱՆ, 29 մայիսի - Sputnik. Սյունիքում նոր ճանապարհներ են կառուցվում։ Այս մասին հայտարարեց ՀՀ վարչապետի պաշտոնակատար Նիկոլ Փաշինյանը ՔՊ աջակիցների հետ հանդիպմանը։
«Կա ռազմավարական խնդիր, որը մենք պետք է լուծենք: Հյուսիս-հարավ ճանապարհը շատ կարևոր է: Մենք որոշում ենք կայացրել կառուցել Սիսիան-Ագարակ հատվածը, միևնույն ժամանակ աշխատանքներ են տարվում Տաթև-Քաջարան մայրուղու կառուցման ուղղությամբ, և այն կավարտենք հաջորդ տարի», - ասաց Փաշինյանը:
Նրա խոսքով՝ Գորիսից Շուռնուխ մեկ այլ ճանապարհ է կառուցվում: Փաշինյանը նշեց, որ ՀՀ-ն պետք է ունենա անհրաժեշտ ճանապարհային ցանց, որպեսզի նոր իրողությունները չանդրադառնան քաղաքացիների կենսապահովման անվտանգության վրա։ Նա հավելեց, որ որոշ ճանապարհահատվածներ կան, բայց դրանք գտնվում են վատ վիճակում:
«Համանախագահ երկրներից մեկն արձագանքել է Սյունիքի հարցով իմ առաջարկին». Նիկոլ Փաշինյան
Փաշինյանը հայտարարեց նաև, որ Ադրբեջանի հետ սահմանին տեղի ունեցող գործընթացները չեն կարող համարվել սահմանազատում, դրանք միայն հստակեցնում են սահմանային որոշակի կետերի գտնվելու վայրը:
Հիշեցնենք` Հայաստանում հունիսի 20–ին Հայաստանում արտահերթ խորհրդարանական ընտրություններ են կազմակերպվելու։
