ԵՐԵՎԱՆ, 27 մայիսի – Sputnik․ Գերեվարվել է ոչ թե ամբողջ խումբը, այլ խմբից միայն վեց հոգի։ Լրագրողների հետ հանդիպման ժամանակ անդրադառնալով Գեղարքունիքում 6 զինվորականների գերի վերցնելու դեպքին, նման հայտարարություն արեց ՀՀ ԶՈւ ԳՇ պետի տեղակալ, գեներալ–մայոր Էդվարդ Ասրյանը։
Ավելի վաղ հայտնել էինք` ՀՀ վարչապետի պաշտոնակատար Նիկոլ Փաշինյանն այսօր կառավարության նիստում հայտարարեց, որ Գեղարքունիքի սահմանային հատվածից հայ զինծառայողները ոչ թե գերեվարվել են, այլ առևանգվել ՀՀ տարածքից։
Ինչո՞ւ է գերիների հարցով Մուրադովը զբաղվում․ կութեցու հարցը՝ Փաշինյանին
Գեներալ–մայոր Էդվարդ Ասրյանի խոսքով՝ այս գործողությանը մասնակցող խումբն ունեցել է և՛ իր աջակցման, և՛ կառավարման, և՛ խնդրի կատարման համար պատասխանատու խմբեր։ Ուստի գործողությանը մասնացող խումբն ավելի մեծ է եղել։ Հստակ թիվ նշել ԳՇ պետի տեղակալը չցանկացավ։
«Սակայն գործողությունների կատարման անմիջական շրջանում գտնվում էին տվյալ չորս զինծառայողները, որոնք խնդիր էին կատարում, իսկ մյուս երկու զինծառայողները կառավարման խմբից էին, մոտեցել էին բանակցություններ վարելու։ Պատկերացնում էին, որ հարցը կլուծեն այդ ճանապարհով, բայց հակառակորդը դավադրաբար մեր տարածքում՝ պետական սահմանից 800 մետր խորության վրա, գերեվարել է մեր զինծառայողներին»,- նշեց Ասրյանը։
Լրագրողի հարցին ի պատասխան՝ «զինծառայողները գերեվարվե՞լ են, թե՞ առևանգվել», ԳՇ պետի տեղեկալը նշեց՝ զինծառայողները գերեվարվել են։
«Առևանգելը զինվորական տերմինաբանության մեջ չի մտնում։ Ու ես երբեք նման բառ ռազմական տերմինաբանության մեջ չեմ կիրառի»,- մանրամասնեց նա։
Ինչպես արդեն հայտնել էինք, մայիսի 26–ի լույս 27–ի գիշերը ադրբեջանական կողմը Գեղարքունիքի սահմանային հատվածում 6 հայ զինծառայողի է գերեվարել։
Հիշեցնենք` ադրբեջանցի զինվորականները մայիսի 12-ից Հայաստանի Սյունիքի մարզում գտնվող Սև լճի տարածքում են և փորձում են ամրապնդվել այնտեղ։ Նմանատիպ իրավիճակ է նաև Գեղարքունիքի մարզի Կութ, Վերին Շորժա և Նորաբակ գյուղերի հատվածում։
Ռուսական կողմի միջնորդությամբ բանակցությունների մի քանի փուլ է կայացել։ Հակառակորդն առայժմ հեռանալու մտադրություն դեռ չունի։ Հայաստանը դիմել է ՀԱՊԿ-ին և ռազմական օգնություն խնդրել Ռուսաստանից։
Գերեվարված հայ զինծառայողները գտնվել են ՀՀ տարածքում. ՊՆ-ն քարտեզ է ներկայացրել
Ռազմաքաղաքական ղեկավարությունը հայտարարում է, որ ցանկանում է խնդիրը լուծել խաղաղ ճանապարհով, բայց չի բացառում նաև ուժի կիրառման տարբերակը, եթե բանակցությունները արդյունք չտան։
Ռազմաքաղաքական ղեկավարությունը հայտարարում է, որ ցանկանում է խնդիրը լուծել խաղաղ ճանապարհով, բայց չի բացառում նաև ուժի կիրառման տարբերակը, եթե բանակցությունները արդյունք չտան։
Բացի այդ, մայիսի 25-ին Գեղարքունիքի մարզի Վերին Շորժա գյուղի հատվածում հակառակորդի կողմից արձակված կրակոցներից մահացու վիրավորում է ստացել զինծառայող, կրտսեր սերժանտ Գևորգ Խուրշուդյանը:
