ԵՐԵՎԱՆ, 10 մայիսի – Sputnik․ Մենք միշտ չէ, որ գնացել ենք մեր քաղաքական շահի հետևից, բայց մենք միշտ գնացել ենք մեր որդեգրած արժեքների հետևից։ Հայտարարեց վարչապետի պաշտոնակատար Նիկոլ Փաշինյանը ԱԺ-ում շարունակվող արտահերթ նիստում իր եզրափակիչ ելույթի ժամանակ։
«Հեղափոխությունից առաջ հայտարարել ենք, որ վենդետաներ չեն լինելու, և վենդետաներ չեն եղել, խոսել ենք արդարության և արդարադատության մասին։ Մենք դա խոստացել ենք այն պայմաներում, երբ ունեինք ժողովրդի կողմից տրված անսահմանափակ իշխանություն»,- հայտարարեց Փաշինյանը։
Նշում է՝ խոստացել էին, որ կադրային ջարդ էլ չի լինելու, և յուրաքանչյուրը հնարավորություն է ունենալու նոր Հայաստանը կառուցելու։
«Հիմա մեր երեսով են տալիս Օսիպյանին, ինչի միայն Օսիպյանին, ուրիշներին էլ կարող են մեր երեսին տալ։ Օսիպյաններ, պողոսյաններ, թե ինչեր կարող են բարձրաձայնել, բայց «Իմ քայլը» ապացուցեց, որ արժեքների և սկզբունքների մասին խոսակցությունը միայն կենաց ու վերնագիր չէ»,- հայտարարեց Փաշինյանը։
Նրա խոսքով՝ այսօր «Իմ քայլը» կատարում է իր ամենամեծ առաքելությունը՝ ժողովրդից ստացած իշխանությունը վերադարձնում է ժողովրդին։
Չէի ասի, թե ամեն ինչ նույնությամբ կկրկնեի. Փաշինյանն ասաց` որն է իր ամենամեծ խնդիրը
ՀՀ Ազգային ժողովն այսօր կայացած հատուկ նիստում երկրորդ անգամ չընտրեց ՀՀ վարչապետի պաշտոնում առաջադրված միակ թեկնածու, ՀՀ վարչապետի պաշտոնակատար Նիկոլ Փաշինյանին։
Քվեարկությանը մասնակցած պատգամավորներից 1–ը դեմ քվեարկեց Փաշինյանի թեկնածությանը, 1-ը` կողմ, 76-ը` ձեռնպահ։
ՀՀ Սահմանադրության համաձայն` արտահերթ ընտրություններ հնարավոր է անցկացնել միայն այդ դեպքում, երբ վարչապետի հրաժարականից հետո խորհրդարանը 2 անգամ անընդմեջ վարչապետ չի ընտրում։
Հիշեցնենք` 2021թ–ի մարտի 18-ին վարչապետ Նիկոլ Փաշինյանը հայտարարել էր, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատել էր Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։
Ապրիլի 25-ին Նիկոլ Փաշինյանը հայտարարեց իր հրաժարականի մասին։
Իջևանցին էշով եկել էր Փաշինյանին տանելու, բայց իրեն տարան. տեսանյութ
Մայիսի 3-ին ՀՀ Ազգային ժողովն առաջին անգամ չընտրեց «Իմ քայլը» խմբակցության կողմից ՀՀ վարչապետի պաշտոնում առաջադրված միակ թեկնածու, ՀՀ վարչապետի պաշտոնակատար Նիկոլ Փաշինյանին։
