ԵՐԵՎԱՆ, 27 ապրիլի - Sputnik․ Իտալական «Յուվենտուս» ֆուտբոլային ակումբի ներկայացուցիչները սկսել են բանակցել հայ ֆուտբոլիստ Հենրիխ Մխիթարյանի հետ։ Այս մասին գրում է Min.news-ը։
Հայտնի է, որ Հենրիխ Մխիթարյանը դեռ չի երկարաձգել իր պայմանագիրը «Ռոմայի» հետ, իսկ այն ավարտվում է այս ամառ։
Պարբերականը նշում է, որ «Յուվենտուսը» պատրաստ է տարեկան 5 միլիոն եվրո աշխատավարձ առաջարկել Մխիթարյանին: Հայ ֆուտբոլիստին ուզում են ներառել հարձակման գծում, որպեսզի Կրիշտիանու Ռոնալդուի ծանրաբեռնվածությունը նվազի։
Առայժմ Մխիթարյանը պաշտոնապես չի պատասխանել «Յուվենտուսի» առաջարկին։
