ԵՐԵՎԱՆ, 10 ապրիլի – Sputnik. Թուրքիայում ավտովթարի հետևանքով ռուս զբոսաշրջիկ է մահացել, 26 տուժած կա։ Տեղեկությունը ՌԻԱ Նովոստիին է հայտնել է Անթալիայում Ռուսաստանի գլխավոր հյուպատոսության ներկայացուցիչը։
«Ճանապարհատրանսպորտային պատահարը տեղի է ունեցել ապրիլի 10–ի առավոտյան` ժամը 9:30-ի սահմանում, Քոնյա-Աքսարայ ճանապարհին»,– ասել է նա։
Վթարի է ենթարկվել 32 ռուսաստանցի զբոսաշրջիկներին Կապադովկիա փոխադրող ավտոբուսը։
Նախնական տվյալներով` ճանապարհը սառցակալած է եղել, և ավտոբուսի վարորդը չի կարողացել կառավարել մեքենան։
Ողբերգական վթար Շիրակի մարզում. «07»-ը բախվել է բեռնատարին, ուղևորուհին տեղում մահացել է
«Ցավոք, թուրքական իշխանությունները հաստատել են ռուս զբոսաշրջիկներից մեկի մահը», - ասել է գործակալության զրուցակիցը:
Մահացած զբոսաշրջիկը կին է։
Տուժածներին մոտակա հիվանդանոցներ են տեղափոխել, նրանց շտապ բուժօգնություն են ցուցաբերում:
Թուրքական ռազմական NF-5 ինքնաթիռ է կործանվել. Թուրքիայի ՊՆ–ն հաստատել է տեղեկությունը
