ԵՐԵՎԱՆ, 7 ապրիլի - Sputnik. Լոռու մարզում անչափահասների կողմից կատարված հանցագործությունների թիվն ավելացել է։ ՀՀ գլխավոր դատախազությունը հայտնում է, որ Լոռու դատախազությունում կատարված ուսումնասիրությամբ պարզվել է`2020-ի ընթացքում մարզում 38 անչափահասի կողմից 34 հանցագործության դեպք է արձանագրվել` 2019թ.-ի 15 անչափահասի կողմից կատարված 16 հանցագործության դեպքի դիմաց:
«Հանցավոր արարք կատարած անչափահասների նկատմամբ որպես խափանման միջոց է ընտրվել ծնողի հսկողությանը հանձնելը, որոշ դեպքերում՝ ստորագրությունը չհեռանալու մասին։ Անչափահասներին վերագրվող հանցագործությունների ավելի քան կրկնակի աճը մեծամասամբ պայմանավորված է պետական մարմինների համապատասխան ծառայողների թերի և ոչ հետևողական աշխատանքով»,–նշված է հաղորդագրության մեջ։
Մասնավորապես, հանցավոր հակումներ ունեցող անչափահասների հայտնաբերման, ժամանակին հաշվառման, նրանց նկատմամբ կանխարգելիչ միջոցառումներ իրականացնելու ուղղությամբ բավարար աշխատանքներ չեն կատարվել:
Բացի այդ, ուսումնասիրությունները վկայել են, որ անչափահասների հանցավորության կանխարգելման կապակցությամբ պետական և տեղական տարբեր մարմինների համագործակցության մակարդակը բարձր չէ։
Կա ավելի ծանր հանցագործություն, քան գիրք այրելը, կամ ե՞րբ է գիրք նվիրելու «իսկական» օրը
Կազմակերպվել են քննարկումներ և արձանագրվել է, որ երիտասարդների և հատկապես անչափահասների մոտ դեռևս պահպանվում է դանակ կրելու արատավոր սովորույթը, որի պայմաններում առավել մեծանում է նույնիսկ չնչին պատճառով վիճաբանությունների արդյունքում ծանր հետևանքների առաջացման հավանականությունը։
Ընդգծվել է նաև, որ մեծ անելիք ունեն նաև ուսումնական հաստատությունները։
Քննարկումների արդյունքում որոշվել է բարձրացնել իրավասու տարբեր գերատեսչությունների աշխատողների համագործակցության մակարդակը։
Երեխաները շատացան, հանցագործությունները քչացան․ ինչպիսին էր առանց սթափարանների Հայաստանը
