ԵՐԵՎԱՆ, 29 մարտի - Sputnik. ՀՀ արտաքին գործերի նախարար Արա Այվազյանն այսօր ԱԺ արտաքին հարաբերությունների մշտական հանձնաժողովի նիստում հայտարարեց, որ վստահության մթնոլորտը վերականգնելու համար անհապաղ պետք է լուծում տրվի ռազմագերիների և քաղաքացիական անձանց վերադարձի հարցը։
«Որպեսզի տարածաշրջանում ձևավորվի կայունության, անվտանգության և խաղաղության մթնոլորտ, ապա պետք է ԼՂ կարգավիճակի, ինչպես նաև ռազմագերիների հարցը լուծվի»,–ասաց նախարարը։
Եվրախորհրդարանի անդամները պահանջում են Ադրբեջանից անհապաղ ազատ արձակել հայ գերիներին
Նրա խոսքով` գերիների վերադարձի հարցը բավական հնչեղ է դարձել միջազգային ասպարեզում, և ակնհայտ է, որ միջազգային ճնշումն օրեցօր ավելանում է։ Այվազյանը շեշտեց` հարցը պետք է շուտափույթ լուծվի։
ՌԴ դեսպանն ասել է՝ կքննարկվի՞ արդյոք հայ գերիների հարցը ԱԳ նախարարների հանդիպման ժամանակ
Արտգործնախարարը նշեց նաև, որ Ադրբեջանի պահվածքը հակասական է` մի կողմից ուզում է տպավորություն թողնել, թե հակամարտությունն ավարտվել է, և պատրաստվում են խաղաղության, բայց մյուս կողմից իր քայլերով ճիշտ հակառակն է ապացուցում։
