ԵՐԵՎԱՆ, 29 մարտի – Sputnik. Ամերիկյան Moderna ընկերությունը կորոնավիրուսի դեմ պատվաստանյութի 100 մլն չափաբաժին է փոխանցել ԱՄՆ կառավարությանը։ Տեղեկությունը հայտնում է ՌԻԱ Նովոստին։
2020 թ.-ի դեկտեմբերին ամերիկյան բժշկական կարգավորիչ մարմինը՝ սանիտարական որակի վերահսկողության, պարենի և դեղորայքի որակի հսկողության (FDA), հաստատել էր ամերիկահայ գործարար Նուբար Աֆեյանին պատկանող ընկերության արտադրած Moderna պատվաստանյութը, և, ըստ ընկերության հայտարարության, թույլ է տվել 5 անգամ ավելացնել դրա մատակարարման ծավալները:
Պայմանավորվածության համաձայն` Moderna - ն պատվաստանյութի երկրորդ խմբաքանակի մատակարարումը՝ 100 մլն դեղաչափով, կիրականացնի մինչև մայիսի վերջ, իսկ երրորդը ՝ նույն ծավալով՝ մինչև 2021 թվականի հուլիսի վերջը:
ԱՄՆ-ի Հիվանդությունների վերահսկման և կանխարգելման կենտրոնի տեղեկատվության համաձայն՝ այս պահին առաքված պատվաստանյութից օգտագործվել է շուրջ 67,2 միլիոն չափաբաժին:
Նշենք, որ ՀՀ Առողջապահության նախարարությունը պատվաստանյութի ձեռքբերման շուրջ խորհրդակցություններ է անցկացնում ամերիկյան Moderna-ի հետ:
Ռուսաստանի առողջապահության նախարարությունը գրանցել է «Սպուտնիկ Լայթ» պատվաստանյութը
