ԵՐԵՎԱՆ, 21 մարտի – Sputik. Կոտայքի մարզի Առինջ գյուղի կենտրոնական փողոցում տեղի է ունեցել ճանապարհատրանսպորտային պատահար, որի հետևանքով «Opel Corsa» մակնիշի ավտոմեքենան շրջվել է, վարորդը`մահացել։ Տեղեկությունը հայտնում է ԱԻՆ մամուլի ծառայությունը։
Դեպքը տեղի է ունեցել այսօր, ժամը 01։31-ին։
Կոտայքի մարզային ճգնաժամային կառավարման կենտրոն ահազանգից հետո դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
«Պարզվել է, որ 6-րդ փողոցի 1-ին նրբանցքում «Opel Corsa» մակնիշի ավտոմեքենան (վարորդ՝ Ս․ Գ․) շրջվել է. ավտոմեքենայի մոտակայքում հայտնաբերվել է վարորդի դին», – նշված է հաղորդագրության մեջ։
Փրկարարները վարորդի դին մոտեցրել են շտապօգնության ավտոմեքենային, փակել ավտոմեքենայի գազի բալոնի փականը, ուղղել ավտոմեքենան և մոտեցրել ավտոքարշակին։
