Ռազմական փորձագետ Հայկ Խաչիկյանը Արցախի նախագահ Արայիկ Հարությունյանի` ԼՂԻՄ տարածքներից չհրաժարվելու հայտարարությունը ողջունելի է համարում, բայց դրանք խաղաղ ճանապարհով վերադարձնելու նախագահի նկրտումներին վերապահումով է վերաբերում։
«ԹԵ ինչ է նշանակում խաղաղ ճանապարհով հետ բերել, մի փոքր վատ եմ պատկերացնում կամ, եթե ավելի անկեղծ` դժվար եմ պատկերացնում, որ ներկայիս պայմաններում Արցախի որևէ ղեկավարություն կհայտարարեր, որ մենք ռազմական ճանապարհով ենք հետ բերելու»,- Sputnik Արմենիայի հետ զրույցում ասաց նա։
Ադրբեջանի ցանկացած ղեկավարի համար, ինչ խոսք, դա ինքնասպանությանը հավասար մի բան է, հետևաբար, ըստ Խաչիկյանի, կորցրած տարածքները հետ բերելու մասին Արայիկ Հարությունյանի հայտարարությունը կարող է և ներքին լսարանին ուղղված մեսիջ լինել։
Անդրադառնալով Արցախի անվտանգության խորհրդի քարտուղար Վիտալի Բալասանյանի` Արցախում մոբիլ ստորաբաժանումներ ստեղծելու դիտարկմանը, Խաչիկյանը նշեց, որ ներկայիս ռեսուրսներով, զբաղեցրած բնագծերով ու հնարավորություններով այլ բան չի մնում անել, քան մոբիլ ստորաբաժանումներ ստեղծել։
Հիշեցնենք, որ Արցախի նախագահ Արայիկ Հարությունյանն Հադրութի գյուղերից տեղահանված բնակիչների հետ հանդիպմանը խոսել էր պայքարը շարունակելու և խաղաղ, բանակցային ճանապարհով ԼՂԻՄ-ի տարածքները հետ վերադարձնելու մասին։
Մեր պարտության ամենամեծ պատճառն այն էր, որ բանակը պատրաստ չէր․ Արայիկ Հարությունյան
