ԵՐԵՎԱՆ, 12 մարտի – Sputnik. ՀՀ ԱԻՆ «Հիդրոմետ» ծառայությունը տեղեկացնում է, որ մարտի 12-ին հանարապետությունը դեռևս շարունակելու է գտնվել հզոր ցիկլոնի ազդեցության գոտում։ Մարտի 12-ին հանրապետության ողջ տարածքում սպասվում է ձյուն, առանձին հատվածներում ինտենսիվ, լեռնային մարզերում սպասվում է բուք, ցածր հորիզոնական տեսանելիություն։
«Նորք» ինֆեկցիոնի աշխատակիցների առաջին խումբը պատվաստվել է կորոնավիրուսի դեմ
Հանրապետության կենտրոնական լեռնային և նախալեռնային շրջաններում մարտի 12-ին սպասվում է ձյան ծածկի ավելացում 40-50 սմ-ով։ Մարտի 13-ի գիշերը և առավոտյան եղանակի պարզեցմամբ և ջերմաստիճանի կտրուկ անկմամբ պայմանավորված հանրապետության գրեթե բոլոր ավտոճանապարհներին սպասվում է մերկասառույց. վարորդներին հորդորում ենք ցուցաբերել զգոնություն:
Հանրապետության տարածքում մարտի 13-16-ին սպասվում է առանց տեղումների եղանակ:
Քամին հյուսիս-արևելյան է՝ 5-10 մ/վ արագությամբ, մարտի 12-ին առանձին վայրերում սպասվում է քամու ուժգնացում 15-20 մ/վ։
Հեռավար կամ միայն դասագրքով հնարավոր չէ ֆիզկուլտուրայի լիարժեք դասաժամ ապահովել. Քեշիշյան
Օդի ջերմաստիճանը մարտի 11-12-ի ցերեկը կնվազի 8-10, 13-ի գիշերը ևս 9-10 աստիճանով։
Երևան քաղաքում մարտի 12-ին ժամանակ առ ժամանակ սպասվում են տեղումներ`ձյան տեսքով։ Մարտի 13-16-ը սպասվում է առանց տեղումների եղանակ:
