ԵՐԵՎԱՆ, 11 մարտի – Sputnik. Հայրենիքի փրկության շարժման խորհուրդն արձագան
«Հայրենիքի փրկության շարժման խորհուրդը, արձագանքելով ՀՀ նախագահի նախաձեռնությանը, ընդգծում է, որ երկիրը կանգնած է ազգային աղետի շեմին, խորանում է անվտանգային, քաղաքական, սոցիալ-տնտեսական համակարգային ճգնաժամը, և հայտնի են դրա պատճառներն ու պատասխանատուները»,–ասաց նա։
Սաղաթելյանի խոսքով` Հայրենիքի փրկության շարժումը վերահաստատում է ճգնաժամի հաղթահարման իր ճանապարհային քարտեզը՝ վարչապետի հրաժարական, ժամանակավոր կառավարության ձևավորում, արտահերթ խորհրդարանական ընտրություններ։
«Գիտակցելով խորացող ճգնաժամի հաղթահարման հրատապ անհրաժեշտությունը՝ հայտնում ենք նշված ձևաչափով և մեր առաջարկած օրակարգով քաղաքական խորհրդակցություններ անցկացնելու մեր պատրաստակամությունը»,–հայտարարեց Սաղաթելյանը։
Սաղաթելյանի խոսքով` իրենք իրենց պատրաստակամությունն են հայտնում այդ օրակարգով և այդ ձևաչափով հանդիպմանը, բայց այդ հանդիպումը պետք է լինի ուղիղ հեռարձակմամբ և չպետք է լինի ձևական։
«Եթե Արմեն Սարգսյանը Նիկոլ Փաշինյանի հետ համաձայնեցրել է իր նախաձեռնությունը, և իրենց պետք է ընդամենը մի տեսարան, որտեղ ընդդիմությունը Նիկոլ Փաշինյանի հետ կնստի մի սեղանի շուրջ, այնպես ինչպես ստացան ԳՇ–ում, այդ հաճույքն իրենց չենք պարգևի։ Եթե իրականում ուզում են երկրում ստեղծված ճգնաժամից ելքեր փնտրել, ապա մենք պատրաստ ենք այդ հանդիպմանը»,–ասաց նա։
Սաղաթելյանըբացառեց ժողովրդի թիկունքում իշխանության հետ որևէ պայմանավորվածություն։
Նշենք, որ ՀՀ նախագահ Արմեն Սարգսյանը վարչապետ Նիկոլ Փաշինյանին, խորհրդարանական խմբակցությունների ղեկավարներին և Հայրենիքի փրկության շարժման ղեկավարներին մարտի 13-ին, ժամը 12:00-ին հանդիպման է հրավիրել նախագահական նստավայրում:
ՀՀ ազգային ժողովի «Լուսավոր Հայաստան» խմբակցությունն արդեն արձագանքել է հրավերին: Խմբակցության ղեկավար Էդմոն Մարուքյանը նշել է, որ ընդունում են հրավերն ու պատրաստ են մասնակցել ցանկացած քննարկման, որտեղ հնարավոր կլինի վերականգնել քաղաքացիական համերաշխությունն ու ուղիներ գտնել երկիրը խորը ճգնաժամից հանելու համար: «Բարգավաճ Հայաստան» խմբակցությունը նախագահ Արմեն Սարգսյանի հանդիպման հրավերի վերաբերյալ որոշում դեռ չի կայացրել:
Հայրենիքի փրկության շարժման համակարգող Գեղամ Մանուկյանն էլ Sputnik Արմենիային հայտնեց, որ դեռ չեն որոշել` հանդիպմանը կմասնակցեն, թե ոչ։
