Զավեն Այվազյանի տեղեկացմամբ` ծրագիրը մեկնարկել է անցյալ տարի, Սփյուռքի հանձնակատարի գրասենյակը նախապես հայտարարել էր տարբեր երկրներից հայ մասնագետներ Հայաստան հրավիրելու մասին։ Ըստ նրա` ծրագիրն առնչվում է մասնագիտական հայրենադարձությանը և գլխավորապես վերաբերում է որակյալ կադրերին կառավարման համակարգում ընդգրկելու խնդրին։ Այս պահին արդեն 49 հոգի ժամանել է Հայաստան։
«Դա շատ ճիշտ քայլ է, և մասնակիցների քանակը պետք է ավելի մեծ լինի։ Սփյուռքի մասնագիտական ներուժի կիրառումը Հայաստանի թե՛ պետական կառավարման ոլորտում, թե՛ սոցիալ–տնտեսական զարգացման հարցերում պետք է որակապես արագացնել։ Այդ առումով «Ի գործ» ծրագիրն իսկապես ողջունելի նախաձեռնություն է, հայրենադարձության կարևոր պատրվակ»,– նշեց տնտեսագետը։
Այվազյանի կարծիքով` միակ խնդիրն այն է, որ գաղափարն ամբողջությամբ չի իրականացվում, մարդիկ գալիս են, ընդգրկվում արդեն ձևավորված համակարգի մեջ, ուստի լավ կլիներ, որպեսզի նրանց լիազորությունների մեխանիզմներն ավելի հստակեցվեին, որ ներսից ինչ–որ բան փոխելը դառնա ավելի դյուրին ու արդյունավետ։
Տնտեսագետի գնահատմամբ` միշտ էլ փոփոխությունների նկատմամբ կա որոշակի դիմադրություն, որովհետև մարդիկ այդպես սովորել են, սակայն իր պարագայում խնդիրը փոքր–ինչ դյուրին է, որովհետև կառույցը, որում ինքն ընգրկվել է, նորաստեղծ է, չունի նախկին ծանրաբեռնող ժառանգություն, ամեն ինչ այդտեղ սկսվել է նոր էջից, ուստի անելիքներն ու նպատակները շատ են։
Հայաստանի և սփյուռքի ներգրավմամբ․ նախարարները քննարկել են արցախցիների սոցիալական խնդիրները
