ԵՐԵՎԱՆ, 1 փետրվարի – Sputnik. ՀՀ 3–րդ նախագահ Սերժ Սարգսյանի կորոնավիրուսի թեստի պատասխանը բացասական է եկել։ Տեղեկությունը հայտնում են ՀՀ 3–րդ նախագահի գրասենյակից։
1 փետրվարի 2021, 10:55
«Ի պատասխան բազմաթիվ լրատվամիջոցների հարցումների, տեղեկացնում ենք, որ ՀՀ երրորդ նախագահ Սերժ Սարգսյանի կորոնավիրուսային հիվանդության (COVID-19) թեստի պատասխանը բացասական է»,–ասված է հաղորդագրության մեջ:
Տեղեկացվում է, որ նախագահ Սարգսյանը որևէ գանգատ չունի, ինքնազգացողությունը լավ է և այսօրվանից անցել է լիարժեք աշխատանքային ռեժիմի:
Հիշեցնենք, որ հունվարի 28–ին տեղեկություն տարածվեց, որ Սերժ Սարգսյանը վարակվել է կորոնավիրուսով։ Նա հունվարի 17–ից գտնվում էր ինքնամեկուսացման մեջ։
