ԵՐԵՎԱՆ, 27 հունվարի - Sputnik. Ռուսաստանն ու ԱՄՆ-ն պայմանավորվել են երկարաձգել Ռազմավարական հարձակողական սպառազինությունների մասին պայմանագիրը՝ Մոսկվայի պայմաններով։ Այդ մասին հայտարարել է ՌԴ փոխարտգործնախարար Սերգեյ Ռյաբկովը։
Ռյաբկովն ասել է, որ Ռազմավարական հարձակողական սպառազինությունների մասին պայմանագրի երկարաձգման որոշումը ժամանակ է տալիս ԱՄՆ-ի հետ ռազմավարական կայունության մասին խորացված բանակցություններ վարելու համար։
Դաշնության խորհրդի միջազգային կոմիտեն և պաշտպանության և անվտանգության կոմիտեն պալատին խորհուրդ են տվել վավերացնել պայմանագրի երկարաձգման մասին համաձայնագիրը, գրում է ՌԻԱ Նովոստին:
Հունվարի 26–ին ՌԴ նախագահ Վլադիմիր Պուտինը հեռախոսազրույց է ունեցել ԱՄՆ նախագահ Ջո Բայդենի հետ։ Ինչպես հաղորդում է Կրեմլի մամուլի ծառայությունը՝ երկու երկրների ղեկավարները պայմանավորվել են երկարաձգել Ռազմավարական հարձակողական սպառազինությունների մասին պայմանագիրը։
Ուժեղ, բայց առանց միջուկային զենքի. Թրամփի երազանքների Իրանը
«Նախագահները գոհունակություն են հայտնել Ռազմավարական հարձակողական սպառազինությունների մասին պայմանագրի երկարաձգման շուրջ պայմանավորվածության հասնելու վերաբերյալ դիվանագիտական նոտաների փոխանակման կապակցությամբ»,-ասվում է հաղորդագրության մեջ։
Ռազմավարական հարձակողական սպառազինությունների մասին պայմանագիրը համաձայնություն է Ռուսաստանի և ԱՄՆ-ի միջև՝ ծավալված ռազմավարական միջուկային սպառազինությունների զինանոցների հետագա փոխադարձ կրճատման մասին: Այն գործում է 2011 թվականի փետրվարի 5-ից։ Պայմանագրի ժամկետն ավարտվում է 2021թ․-ի փետրվարի 5-ին, եթե դրա երկարաձգման մասին որոշում չընդունվի։
ԱՄՆ–ն ձգտում է Ռուսաստանին և ՉԺՀ–ին դուրս գցել միջուկային տեխնոլոգիաների ոլորտից. Կոշկին
