Ռազմավարական նշանակության միջուկային զորքերը, հեռավոր ավիացիայի հրթիռակիրներն ու «Կարելիա» ատոմային սուզանավի անձնակազմը ռազմավարական հարձակողական ուժերի կառավարման զորավարժություններ են անցկացրել։ Մանևրերի ընթացքում ստուգվել է Ռուսաստանի ռազմավարական միջուկային ուժերի ընդհանուր մարտական պատրաստությունը։ Մանրամասները` տեսանյութում։
Ռուս զինվորականները ծավալուն հարձակողական զորավարժություններ են անցկացրել։ Դրանց մասնակցել է, այսպես կոչված, միջուկային տրիադան, իսկ զորաշարժերի ղեկավարն անմիջապես Գերագույն գլխավոր հրամանատար Վլադիմիր Պուտինն էր։
Զորավարժության գլխավոր խնդիրը կառավարումը մշակելն է ու Ռուսաստանի ռազմավարական միջուկային ուժերի ընդհանուր պատրաստության ստուգելը։
Մանևրերի ընթացքում զինվորականները արձակել են «Յարս» ու «Սինևա» բալիստիկ հրթիռները «Պլեսեցկ» տիեզերական թռիչքների կայանից, նաև «Կարելիա» ատոմային սուզանավից Բարենցի ծովի ջրավազանից։
Զորավարժություններին մասնակցել է նաև ռազմավարական ավիացիան, Տու-160 և Տու-95ՄՍ ինքնաթիռները նորագույն թևավոր հրթիռներ են կիրառել։
Արևմուտքում ուշիուշով հետևում էին ռուսական հրթիռների մեկնարկներին։ Օրինակ՝ ԱՄՆ-ի հետախուզական ինքնաթիռը մի քանի ժամ շրջում էր Ռուսաստանի սահմանների մոտ՝ Բերինգի ծովի վրա՝ հաշվարկելով բալիստիկ հրթիռների թռիչքի հետագիծը։
ՆԱՏՕ-ն Սև ծով է դուրս գալիս․ դաշինքը կնեղի՞ Ռուսաստանին Ղրիմում
Թեև Ռուսաստանն իր դոկտրինում հստակ նշում է, որ պատրաստվում է միջուկային զենք կիրառել միայն պաշտպանության համար։
Սակայն այս զորավարժություններով ռուս զինվորականները ազդանշան են ուղարկում ԱՄՆ-ին ու նրա դաշնակիցներին, որ կանոնավոր սադրանքները Ռուսաստանի դեմ կարող են թանկ նստել Արևմուտքի վրա։
