https://arm.sputniknews.ru/20210125/bortuxekcorduhinery-snund-bazaneluhamar-chen-vorn-e-nranc-himnakan-gorcy-26186598.html
Բորտուղեկցորդուհիները սնունդ բաժանելու համար չեն. ո՞րն է նրանց հիմնական պարտականությունը
Բորտուղեկցորդուհիները սնունդ բաժանելու համար չեն. ո՞րն է նրանց հիմնական պարտականությունը
Sputnik Արմենիա
Բորտուղեկցորդու մասնագիտությունը շատերին ռոմանտիկ ու թեթև է թվում, ու դա բորտուղեկցորդուհիների կյանքի մասին ամենատարածված միֆերից է։ Ամերիկյան... 25.01.2021, Sputnik Արմենիա
2021-01-25T08:58+0400
2021-01-25T08:58+0400
2022-01-25T15:28+0400
հասարակություն
հայաստան
բորտուղեկցորդուհի
ինքնաթիռ
աղջիկ
https://cdn.am.sputniknews.ru/img/07e5/01/15/26169588_0:0:2913:1640_1920x0_80_0_0_911f08ab787aa379b10ebaac1c03c44b.jpg
ԵՐԵՎԱՆ, 25 հունվարի – Sputnik. Օդանավում բորտուղեկցորդուհիների հիմնական խնդիրը չվերթի ընթացքում ուղևորների անվտանգությունն ապահովելն է։ Մնացածը չի մտնում նրանց պարտականությունների մեջ։ Այս մասին խոսել է սոցցանցերում հայտնի ամերիկյան բորտուղեկցորդուհի Քեթ Կամալանին։Կամալանիի խոսքով՝ բորտուղեկցորդուհիները չպետք է օգնեն ուղևորներին տեղավորել ձեռքի ուղեբեռը դարակի մեջ։ Բանն այն է, որ եթե այդ ընթացքում բորտուղեկցորդը վնասվածք ստանա, ընկերությունը հատուցում չի վճարի։ Բեռները տարբեր են լինում, ու ինքնաթիռում ամեն ինչ կարող է տեղի ունենալ։«Մեր պարտականությունների մեջ չի մտնում չվերթից հետո ինքնաթիռը մաքրելը։ Այդ գործն անում են քլինինգային ընկերություններից վարձած հատուկ մարդիկ», - ասել է Կամալանին։Բացի այդ, նա ընդգծել է, որ բորտուղեկցորդները մատուցողներ չեն, նրանք սնունդ ու ըմպելիք բաժանելու համար չեն, այլ առաջին հերթին ուղևորների անվտանգությունն ապահովելու համար։ Թեև իհարկե թռիչքի ընթացքում ուտելու հարցի կազմակերպմամբ նրանք են զբաղվում։Բորտուղեկցորդուհիների պարտականությունների մեջ է մտնում ուղևորներին դիմավորելն ու տեղավորելը։ Նրանք պետք է կարողանան անհրաժեշտության դեպքում առաջին բուժօգնություն ցուցաբերել, օգնել ուղևորին փաստաթղթեր լրացնել։Թռչել երջանկությունից, բայց ուղղակի իմաստով. օդանավում արված առաջարկության տեսանյութըԲացի այդ, բորտուղեկցորդները պարտավոր են հանգստացնել ուղևորներին վթարային իրավիճակներում, ապահովել նրանց անվտանգ ելքը։ Այդ նպատակով ինքնաթիռում կա առնվազն այնքան բորտուղեկցորդ, որքան վթարային ելք կա։Մի քիչ` պատմությունիցԱռաջին աղջիկ բորտուղեկցորդները սկսել են աշխատել 1930 թվականին։ Այդ ժամանակ նրանք պետք է բուժքույրի դիպլոմ ունենային ու լինեին առավելագույնը 25 տարեկան։ Նրանք չպետք է ամուսնացած լինեին, պետք է հաճելի դեմք ունենային ու 52 կիլոգրամից ծանր չլինեին։ Բարետես աղջիկներն ինքնաթիռում լավագույն գովազդն էին։ Նրանք իրենց օրինակով ցույց էին տալիս, որ ինքնաթիռները վախենալու չեն ու նույնիսկ փխրուն կանայք չեն վախենում թռչելուց։Այժմ ստանդարտները մի քիչ փոխվել են, ու թեև բորտուղեկցորդուհիների քաշի ու հասակի սահմանափակումներ հիմա էլ կան, դրանք շատ խիստ չեն։ Ժամանակակից բորտուղեկցորդները մշտապես բժշկական զննում են անցնում։ Նրանք պետք է լինեն հոգեպես կայուն, շփվող, կարգապահ ու պատասխանատու, պետք է օտար լեզուներ իմանան ու հասկանալի առոգանություն ունենան։Օդաչու չեն, բայց առանց նրանց «թռչել» չի լինի. լուսանկարներ բորտուղեկցորդուհիների առօրյայից
https://arm.sputniknews.ru/20200909/rus-bortuxekcorduhi-qim-qardashyan-alyona-24398098.html
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հասարակություն , հայաստան, բորտուղեկցորդուհի, ինքնաթիռ, աղջիկ
հասարակություն , հայաստան, բորտուղեկցորդուհի, ինքնաթիռ, աղջիկ
Բորտուղեկցորդուհիները սնունդ բաժանելու համար չեն. ո՞րն է նրանց հիմնական պարտականությունը
08:58 25.01.2021 (Թարմացված է: 15:28 25.01.2022) Բորտուղեկցորդու մասնագիտությունը շատերին ռոմանտիկ ու թեթև է թվում, ու դա բորտուղեկցորդուհիների կյանքի մասին ամենատարածված միֆերից է։ Ամերիկյան ընկերություններից մեկի աշխատակիցն ասել է՝ այդ մասնագիտության հետ կապված էլ ինչ սխալ պատկերացումներ կան։
ԵՐԵՎԱՆ, 25 հունվարի – Sputnik. Օդանավում բորտուղեկցորդուհիների հիմնական խնդիրը չվերթի ընթացքում ուղևորների անվտանգությունն ապահովելն է։ Մնացածը չի մտնում նրանց պարտականությունների մեջ։ Այս մասին խոսել է սոցցանցերում հայտնի ամերիկյան բորտուղեկցորդուհի Քեթ Կամալանին։
Կամալանիի խոսքով՝ բորտուղեկցորդուհիները չպետք է օգնեն ուղևորներին տեղավորել ձեռքի ուղեբեռը դարակի մեջ։ Բանն այն է, որ եթե այդ ընթացքում բորտուղեկցորդը վնասվածք ստանա, ընկերությունը հատուցում չի վճարի։ Բեռները տարբեր են լինում, ու ինքնաթիռում ամեն ինչ կարող է տեղի ունենալ։
«Մեր պարտականությունների մեջ չի մտնում չվերթից հետո ինքնաթիռը մաքրելը։ Այդ գործն անում են քլինինգային ընկերություններից վարձած հատուկ մարդիկ», - ասել է Կամալանին։
Բացի այդ, նա ընդգծել է, որ բորտուղեկցորդները մատուցողներ չեն, նրանք սնունդ ու ըմպելիք բաժանելու համար չեն, այլ առաջին հերթին ուղևորների անվտանգությունն ապահովելու համար։ Թեև իհարկե թռիչքի ընթացքում ուտելու հարցի կազմակերպմամբ նրանք են զբաղվում։
Բորտուղեկցորդուհիների պարտականությունների մեջ է մտնում ուղևորներին դիմավորելն ու տեղավորելը։ Նրանք պետք է կարողանան անհրաժեշտության դեպքում առաջին բուժօգնություն ցուցաբերել, օգնել ուղևորին փաստաթղթեր լրացնել։
Բացի այդ, բորտուղեկցորդները պարտավոր են հանգստացնել ուղևորներին վթարային իրավիճակներում, ապահովել նրանց անվտանգ ելքը։ Այդ նպատակով ինքնաթիռում կա առնվազն այնքան բորտուղեկցորդ, որքան վթարային ելք կա։
Առաջին աղջիկ բորտուղեկցորդները սկսել են աշխատել 1930 թվականին։ Այդ ժամանակ նրանք պետք է բուժքույրի դիպլոմ ունենային ու լինեին առավելագույնը 25 տարեկան։ Նրանք չպետք է ամուսնացած լինեին, պետք է հաճելի դեմք ունենային ու 52 կիլոգրամից ծանր չլինեին։ Բարետես աղջիկներն ինքնաթիռում լավագույն գովազդն էին։ Նրանք իրենց օրինակով ցույց էին տալիս, որ ինքնաթիռները վախենալու չեն ու նույնիսկ փխրուն կանայք չեն վախենում թռչելուց։
Այժմ ստանդարտները մի քիչ փոխվել են, ու թեև բորտուղեկցորդուհիների քաշի ու հասակի սահմանափակումներ հիմա էլ կան, դրանք շատ խիստ չեն։ Ժամանակակից բորտուղեկցորդները մշտապես բժշկական զննում են անցնում։ Նրանք պետք է լինեն հոգեպես կայուն, շփվող, կարգապահ ու պատասխանատու, պետք է օտար լեզուներ իմանան ու հասկանալի առոգանություն ունենան։
