ԵՐԵՎԱՆ, 22 հունվարի - Sputnik. Եթե այսօրվա պայմաններում դատավորների աշխատավարձը կրկնապատկենք, պրակտիկայում դա ոչնչի չի բերի։ ԱԺ–ում պատգամավորների հարցերին ի պատասխան ասաց նախկին զինդատախազ, ԲԴԽ անդամի թեկնածու Գագիկ Ջհանգիրյանը։
«Իհարկե, աշխատավարձը կարևոր է, սոցիալական ապահովության խնդիրները կարևոր են, սակայն ծանրաբեռնվածության հարց էլ կա, բացի այդ` գաղթակղության այն բոլոր գործերի առնչությամբ, որոնց վրա աշխատում են»,–ասաց Ջհանգիրյանը։
Նրա խոսքով` այս ամենը համակարգված լուծում է պահանջում։
ԱԺ–ում արտահերթ նիստ է ընթանում, որի շրջանակում ԲԴԽ անդամներ պետք է ընտրվեն։ Ազգային ժողովի «Իմ քայլը» խմբակցությունը Բարձրագույն դատական խորհրդի անդամի թեկնածու է առաջադրել Դավիթ Խաչատուրյանին և Գագիկ Ջհանգիրյանին։
Հիշեցնենք, որ ԲԴԽ անդամի պաշտոնում ընտրվելու համար թեկնածուին անհրաժեշտ է ԱԺ պատգամավորների թվի 3/5-ից ավելի «կողմ» ձայներ:
