Ռուս խաղաղապահներին Արցախում շարունակում են ակտիվ պատրաստությունը։ Զինծառայողները տարբեր տեսակի թիրախների վրա կրակել են ինքնաձիգներից ու գնդացիրներից, դիպուկահար հրացաններից, տարբեր նռնականետներից։
Ռուս խաղաղապահ զորախումբը շարունակում է կատարել իր խնդիրն Արցախի տարածում։ Նրանք 27 դիտակետերից շուրջօրյա վերահսկում են հրադադարի պահպանման ռեժիմը։
Ռուս խաղաղապահներն արցախցիներին հումանիտար օգնություն են ցուցաբերում, օժանդակում ենթակառուցվածքների վերականգնման աշխատանքներում։
Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:
