«Եթե դու չունես կոնկրետ ռազմավարություն կամ մարտավարություն, թե ինչպես պետք է չինովնիկներն, օրինակ, սոցցանցերում աշխատեն, ապա եթե դու պատերազմի մեջ ես, ավելի լավ է փակես, մինչև հասկանաս` ինչ ես անում»,- ասաց Սամվել Մարտիրոսյանը` անդրադառնալով Արցախի ԱԽ քարտուղար Վիտալի Բալասանյանի հայտարարությանը, թե պատրաստվում են արգելել պաշտոնյաններին աշխատանքային ժամերին որևէ գրառում անել։։
Նրա խոսքով, սակայն, խնդրին պետք է համակողմանի մոտեցում ցուցաբերել` որոշ բաներ պետք է արգելվեն, ինչ-որ բաներ պետք է խրախուսվեն, չէ որ «Ֆեյսբուքը» կարելի է նաև հօգուտ հասարակության ծառայեցնել։
«Այսօր, և ոչ միայն Արցախը, խնդիր կա ներկայացնելու, որ սա ոչ միայն մարտի դաշտ է, որտեղ միայն խնդիրներ կան, այլև, որ այդ հողի վրա բացի խաղաղապահներից ու զինվորականներից՝ նաև երեխաներ, կանայք, տղամարդիկ են ապրում։ Ի վերջո ստատուսի և եղած քաղաքացիների պաշտպանության խնդիր ունենք»,- նշեց նա։
Հիշեցնենք` ԱՀ ԱԽ քարտուղար Վիտալի Բալասանյանը օրերս Արցախի պետական հեռուստաընկերության եթերում հայտարարել էր, որ ԱԽ առաջիկա որոշումներից մեկով պատրաստվում են արգելել պետական համակարգի աշխատակիցներին «Ֆեյսբուքում» պաշտոնական հաղորդագրություն տարածել և հավելել՝ ով աշխատանքային ժամին մեկ գրառում արեց՝ կգնա տուն։
Պարտության հիմքը, կամ ինչ է լինում, երբ «դուխով» հրամանատարը քար է գցում եկեղեցու բոստանը
