ԵՐԵՎԱՆ, 30 դեկտեմբերի - Sputnik. Գալիք հունվարին օդի միջին ջերմաստիճանը Հայաստանի մեծ մասում նորմայի սահմաններում կլինի։ ՀՀ շրջակա միջավայրի նախարարության «Հիդրոօդերևութաբանության և մոնիթորինգի կենտրոնը» ներկայացրել է տարվա առաջին ամսվա եղանակային կանխատեսումները։
Մայրաքաղաք Երևանում, Շիրակի, Արագածոտնի, Կոտայքի, Գեղարքունիքի, Արարատի, Արմավիրի, Վայոց Ձորի մարզերում օդի ամսական միջին ջերմաստիճանը կանխատեսվում է նորմայի սահմաններում, իսկ Լոռիում, Տավուշում, Սյունիքում և Արցախում՝ 1-2 աստիճանով նորմայից բարձր։
Արարատի և Արմավիրի մարզերում, Արագածոտնի և Կոտայքի մարզի նախալեռնային շրջաններում օդի ամսական միջին ջերմաստիճանը սպասվում է -4–ից -5–ի սահմանում: Առանձին օրեր հնարավոր է` գիշերը նվազի մինչև -14–ից- 16 աստիճան, իսկ որոշ օրերի էլ ցերեկը բարձրանա մինչև +4–ից +6։
Շիրակի և Գեղարքունիքի մարզերում, Արագածոտնի և Կոտայքի մարզի լեռնային շրջաններում օդի ամսական միջին ջերմաստիճանը -7–ից -10 կլինի: Առանձին օրեր հնարավոր է օդի ջերմաստիճանի իջեցում` գիշերը մինչև -23–ից -26 աստիճան, որոշ օրերի էլ օդի ջերմաստիճանի բարձրացում` ցերեկը մինչև 0–ից +3։
Լոռու մարզում օդի ամսական միջին ջերմաստիճանը սպասվում է 0–ից -2, որը 1-2 աստիճանով բարձր է բազմամյա միջին արժեքից: Առանձին օրեր հնարավոր է օդի ջերմաստիճանի իջեցում` գիշերը մինչև -20–ից -25 աստիճան, իսկ առանձին օրերի էլ` օդի ջերմաստիճանի բարձրացում` ցերեկը մինչև +10–ից +14 ։
Տավուշի մարզում օդի ամսական միջին ջերմաստիճանը +1–ից +2 կլինի, որը 1-2 աստիճանով բարձր է բազմամյա միջին արժեքից: Առանձին օրեր հնարավոր է օդի ջերմաստիճանի իջեցում` գիշերը մինչև -10–ից -13, որոշ օրերի էլ ցերեկային ժամերին օդի ջերմաստիճանը կարող է բարձրանալ և հասնել +12–ից +16–ի։
Վայոց Ձորի մարզում օդի ամսական միջին ջերմաստիճանը նախալեռնային շրջաններում -4–ից -5 կինի, լեռնային շրջաններում` -7–ից -10, որը մոտ է բազմամյա միջին արժեքին: Առանձին օրեր հնարավոր է` օդի ջերմաստիճանը գիշերը նախալեռնային շրջաններում իջնի մինչև -13–ից -15, լեռնային շրջաններում` -20–ից -25 աստիճան, որոշ օրեր էլ օդի ջերմաստիճանը ցերեկը նախալեռնային շրջաններում կարող է բարձրանալ մինչև +3–ից +6, լեռնային շրջաններում` 0–ից +3։
Սյունիքի մարզում օդի ամսական միջին ջերմաստիճանը սպասվում է +2–ից +3 հովտային շրջաններում, լեռնային շրջաններում` -5–ից -6, որը 1-2 աստիճանով բարձր է բազմամյա միջին արժեքից: Առանձին օրեր հնարավոր է` հովտային շրջաններում օդի ջերմաստիճանը գիշերային ժամերին հասնի -10–ից -13–ի, իսկ լեռնային շրջաններում` -20–ից -25–ի, որոշ օրերի էլ օդի ջերմաստիճանը ցերեկը կարող է բարձրանալ` հովտային շրջաններում հասնելով +12–ից +14–ի, լեռնային շրջաններում` +9–ից +12–ի։
Մայրաքաղաք Երևանում օդի ամսական միջին ջերմաստիճանը -4–ից -5 կլինի: Առանձին օրեր հնարավոր է օդի ջերմաստիճանի իջեցում գիշերը` ցածրադիր վայրերում մինչև -14–ից -16, բարձրադիր վայրերում -11–ից -13, առանձին օրեր օդի ջերմաստիճանի բարձրացում` ցերեկը մինչև +3–ից +5։
Տեղումների քանակը հանրապետության ողջ տարածքում կանխատեսվում է նորմայի սահմաններում։
