ՀՀ նախագահ Արմեն Սարգսյանը Գյումրիում է. լուսանկարներ

ԵՐԵՎԱՆ, 25 դեկտեմբերի – Sputnik. Հայաստանի Հանրապետության նախագահ Արմեն Սարգսյանն այս պահին Գյումրիում է։

Sputnik Արմենիայի թղթակիցը հայտնում է, որ նա այցելել է Շիրակի թեմի առաջնորդարան, որտեղ փակ հանդիպում կայացավ թեմի առաջնորդ Միքայել եպիսկոպոս Աջապահյանի հետ։

Այնուհետև ՀՀ նախագահը Շիրակի թեմի սոցիալ–կրթական կենտրոնում հանդիպեց Արցախի պատերազմին մասնակցած շիրակցի զինվորների հետ։

«Եկել եմ ասեմ, որ դուք չեք պարտվել, դուք հաղթանակած եք եկել։ Ես հաղթանակը տեսել եմ 26 տարի առաջ, իսկ 26 տարի հետո տեսնում եմ այն, ինչ ունենք։ Չեմ կարող ասել` ես նորից հաղթանակ կտեսնեմ, թե ոչ, բայց դուք հաստատ տեսնելու եք։ Ձեր ապագա հաղթանակը դեռ ձեր հետ է լինելու»,– ասաց նա։

Զինծառայողների հետ հանդիպումից հետո Արմեն Սարգսյանն այցելեց Սուրբ Ամենափրկիչ եկեղեցի։

Արմեն Սարգսյանը հանդիպել է Նիկոլ Փաշինյանի հետ. քննարկել են երկրում ստեղծված իրավիճակը