ԵՐԵՎԱՆ, 23 դեկտեմբերի – Sputnik. «Լուսավոր Հայաստան» կուսակցությունն առաջարկում է ՀՀ նախագահին կառավարության կողմից լիազորել ՀՀ անունից բանակցություններ վարելու և ներկայացնելու ՀՀ–ն։ Sputnik Արմենիա մուլտիմեդիոն մամուլի ակումբում կայացած մամուլի ասուլիսի ժամանակ ասաց ԼՀԿ ղեկավար Էդմոն Մարուքյանը։
«ԱՊՀ գագաթնաժողով ունեցանք, որին ՀՀ վարչապետը չէր մասնակցում։ Ասացին` հայրն է մահացել, որի պատճառով չի մասնակցել գագաթնաժողովին, սակայն այժմ իրավիճակն այնպիսին է, որ վարչապետը չի կարող լինել Հայաստանի համար բանակցող անձ։ Հայաստանը կրակը չի ընկել, որ անընդհատ ներկայացված չլինի միջազգային հարթակներում, ինչի համար էլ առաջարկում ենք նախագահին նման լիազորություն տալ»,–ասաց Մարուքյանը։
Նրա խոսքով` ՀՀ նախագահը նույնպես պետք է ներգրավվեր սահմանազատման հարցերում։ Մարուքյանը նշեց` մինչև խորհրդարանական ընտրությունները, այսինքն` հիմա, ՀՀ խորհրդարանի մակարդակում պետք է իրականացնել որոշակի սահմանադրական փոփոխություններ։
Պատերազմը մութ կողմ չի՞ ունենա. ԼՀԿ–ն պարիտետային հանձնաժողով ստեղծելու նախագիծ է մշակել
Մասնավորապես, անհրաժեշտություն ունենք «դուռն ու պատուհանը բացելու մեր` 7 միլիոնից ավել սփյուռքահայերի համար»։
Սփյուռքը, ըստ ԼՀԿ ղեկավարի, պետք է մասնակցի ՀՀ–ում ընթացող գործողություններին, քանի որ, ինչպես տեսանք պատերազմի ժամանակ, միայնակ չենք կարող դիմակայել մարտահրավերներին։
Մարուքյանը հավելեց, որ արդեն իսկ գրություն է պատրաստում կառավարություն դիմելու համար, որպեսզի նախագահի լիազորություններն ընդլայնվեն։
