ԵՐԵՎԱՆ, 22 դեկտեմբերի - Sputnik. Սթրեսի հետևանքով առաջացած անընդհատ ուտելու ցանկությունը կարելի է հաղթահարել, եթե հիշեք 4 պարզ խորհուրդ: Դրանք տվել է Enzymedica UK-ի առաջատար աննդաբան և խորհրդատու Մեյ Սիմպկինը, փոխանցում է Express-ը։
Նրա խոսքով ՝ ուտելու ցանկությունը, անառողջ սննդին դիմակայելու անկարողությունը պայմանավորված են որոշումների կայացման և իմպուլսային վերահսկողության համակարգի փոփոխություններով, ինչը բնորոշ է սթրեսային վիճակներին:
Առաջին հերթին պետք է այնպես անել, որ ձեր աչքը վնասակար ուտելիքներ հնարավորինս քիչ տեսնի: Դուք կարող եք պարզապես շրջանցել սուպերմարկետը, հրուշակեղենի խանութը:
Երկրորդ պարզ եղանակն ավելի շատ ջուր խմելն է, քանի որ մարդիկ հաճախ ծարավի զգացումը քաղցի տեղ են ընդունում։ Ընդ որում, դուք կարող եք խմել ոչ միայն մաքուր ջուր, այլ նաև թեյ և նույնիսկ ուտել ապուրներ։
Փորձագետը նաև խորհուրդ է տվել ավելի սեփական ձեռքերով շատ պատրաստել ուտելիքներ, քան գնել պատրաստիներ կամ կիսաֆաբրիկատներ։
Բեռնաթափման օրեր. ինչպես մեկ օրում մաքրել օրգանիզմը և նիհարել
Սթրեսի ժամանակ շատ չուտելու չորրորդ կարևոր խորհուրդը, ըստ դիետոլոգի, ֆիզիկական ակտիվության պահպանումն է։ Ֆիզիկական վարժությունները բարձրացնում են տրամադրությունը, հանում լարվածությունը, օգնում է ազատվել ավելորդ կալորիաներից։
