ԵՐԵՎԱՆ, 21 դեկտեմբերի - Sputnik. Ռուսաստանի նախագահի մամուլի քարտուղար Դմիտրի Պեսկովն այսօր լրագրողների հետ զրույցում ասել է, թե ՌԴ նախագահ Վլադիմիր Պուտինն ինչպես է արձագանքել այն լուրին, թե իբր Նարիշկինը կապ ունի ադրբեջանական սփյուռքի հետ։
Նրա խոսքով՝ Պուտինին այդ տեղեկությունը չի հետաքրքրել։
Ավելի վաղ «Պրոյեկտ» նախագիծը հետաքննություն էր հրապարակել, որի համաձայն Ռուսաստանի Արտաքին հետախուզության ղեկավար Սերգեյ Նարիշկինն Արցախյան վերջին պատերազմի ժամանակ իբր Մոսկվայում հանդիպել է Ադրբեջանի առաջին փոխվարչապետ Յաղուբ Էյուբովի ընտանիքի անդամի հետ։
Բացի այդ, Նարիշկինն իբր սերտ կապեր ունի Ադրբեջանում ծնված գործարար Գոդ Նիսանովի հետ ու օգտվում է նրա ունեցվածքից, իսկ նրա դուստրը ընկերություն է անում Ադրբեջանի նախագահի դուստր Լեյլա Ալիևայի հետ։
«Ոչ, դա չհետաքրքրեց նախագահին», - ասել է Պեսկովն` ի պատասխան լրագրողի հարցին, թե հետաքրքրեց Պուտինին արդյոք այն, ինչ գրվել է Նարիշկինի ու ադրբեջանական սփյուռքի կապերի մասին։
ՌԴ–ն Ղարաբաղում կիրառված ԱԹՍ–ների փորձը հաշվի կառնի իր նոր ծրագրում․ փոխվարչապետ
Մամուլի քարտուղարի խոսքով` այդ հարցը չի քննարկվել հանդիպման ընթացքում։
