ԵՐԵՎԱՆ, 21 դեկտեմբերի – Sputnik. 61 օր անհայտության մեջ գտնվող ևս 2 քաղաքացի է հայտնաբերվել։ Տեղեկությունը Facebook–ի էջում հայտնել է Արցախի արտակարգ իրավիճակների պետական ծառայությունը։
![Արցախում 61 օր անհայտության մեջ գտնվող հայր ու որդի են հայտնաբերվել. լուսանկարներ Արցախում 61 օր անհայտության մեջ գտնվող հայր ու որդի են հայտնաբերվել. լուսանկարներ - Sputnik Արմենիա](https://cdn.am.sputniknews.ru/img/07e4/0c/15/25843725_0:0:1600:900_600x0_80_0_0_05675776250de0455c2b6f3620e2243b.jpg)
«Որոնողափրկարարական աշխատանքների արդյունքում հայտնաբերված 2 քաղաքացի՝ հայր և որդի Միքայել և Գեղամ Պետրոսյանները, ռուս խաղաղապահների և կարմիր խաչի միջազգային կոմիտեի ուղեկցությամբ քիչ առաջ տեղափոխվել են Ստեփանակերտ»,–նշված է հաղորդագրության մեջ:
![Արցախում 61 օր անհայտության մեջ գտնվող հայր ու որդի են հայտնաբերվել. լուսանկարներ Արցախում 61 օր անհայտության մեջ գտնվող հայր ու որդի են հայտնաբերվել. լուսանկարներ - Sputnik Արմենիա](https://cdn.am.sputniknews.ru/img/07e4/0c/15/25843719_0:0:1600:1155_600x0_80_0_0_c7ae3a022e03d59e0666ea7b3864d794.jpg)
Նշվում է, որ ԱԻ պետական ծառայության տնօրեն գեներալ-մայոր Կարեն Սարգսյանը և ՊԲ գեներալ-մայոր Աշոտ Բալասանյանը նրանց դիմավորել և ուղեկցել են հանրապետական բժշկական կենտրոն, որտեղ Պետրոսյանները համապատասխան բուժօգնություն կստանան:
![Արցախում 61 օր անհայտության մեջ գտնվող հայր ու որդի են հայտնաբերվել. լուսանկարներ Արցախում 61 օր անհայտության մեջ գտնվող հայր ու որդի են հայտնաբերվել. լուսանկարներ - Sputnik Արմենիա](https://cdn.am.sputniknews.ru/img/07e4/0c/15/25843702_0:0:1600:1163_600x0_80_0_0_fd0b42ea85d884b40996776b945e0adf.jpg)
Կարեն Սարգսյանը շնորհակալություն է հայտնել Արցախում խաղաղապահ առաքելություն իրականացնող ռուսական զորակազմին՝ հրամանատար գեներալ-լեյտենանտ Ռուստամ Մուրադովի գլխավորությամբ, ՊԲ գեներալ-մայոր Աշոտ Բալասանյանին և որոնողական աշխատանքներ իրականացնող խմբի ուղեկցողներին:
ԱԻ ծառայության տնօրեն Կարեն Սարգսյանը նշել է, որ որոնողական աշխատանքները կրում են ամենօրյա բնույթ և գործադրվում են բոլոր հնարավոր ջանքերն ու լծակները՝ անհետ կորած զինծառայողներին և քաղաքացիներին հայտնաբերելու համար:
Հիշեցնենք` երեկ` դեկտեմբերի 20–ին էլ, 70 օր կապի դուրս չեկած 6 զինվորներ էին ողջ են գտնվել ու հիվանդանոց տեղափոխվել։ Նրանք են`
Այվազյան Արսեն Կարենի, Սահակյան Դավիթ Գեղամի, Ստեփանյան Նիկոլայ Սեյրանի, Հարությունյան Արթուր Գարիկի, Արմաղանյան Արման Արշակի, Թումանյան Ռուսլան Սարգսի։
6 ընկերներով էինք, ինչ էլ լիներ` պիտի միասին փրկվեինք. 70 օր անհետ կորածների պատմությունը