ԵՐԵՎԱՆ, 16 դեկտեմբերի – Sputnik. Արցախի պաշտպանության բանակի հյուսիսարևելյան ուղղությամբ տեղակայված զորամասերից մեկի պահպանության տեղամասում զինծառայող է մահացել։ Տեղեկությունը հայտնում է Արցախի պաշտպանության նախարարությունը։
«Դեկտեմբերի 15-ին՝ ժամը 14:17-ի սահմաններում, չպարզված հանգամանքներում մահացու հրազենային վիրավորում է ստացել զինծառայող, 2002թ. ծնված Վահե Հովհաննեսի Բաբայանը»,– նշված է հաղորդարգրության մեջ
Դեպքի մանրամասները պարզելու համար կատարվում է քննություն:
ԱՀ պաշտպանության նախարարությունը զորակցություն է հայտնում մահացած զինծառայողի ընտանիքի անդամներին, հարազատներին ու ծառայակիցներին:
