ԵՐԵՎԱՆ, 9 դեկտեմբերի – Sputnik. Այսօր Հայաստանի առանձին շրջաններում, դեկտեմբերի 10-ի գիշերը շրջանների զգալի մասում, ցերեկը Վայոց Ձորում և Սյունիքում ժամանակ առ ժամանակ սպասվում են տեղումներ, լեռնային և նախալեռնային շրջաններում՝ ձյան տեսքով: Տեղեկությունը հայտնում է ՀՀ արտակարգ իրավիճակների նախարարությունը։
«Դեկտեմբերի 11-13-ը սպասվում է առանց տեղումների եղանակ: Առանձին վայրերում գիշերը և առավոտյան ժամերին սպասվում է մառախուղ։ Օդի ջերմաստիճանն էապես չի փոխվի»,– նշված է հաղորդագրության մեջ։
Դեկտեմբերի 9-ին, 10-ի գիշերը Երևանում ժամանակ առ ժամանակ սպասվում են տեղումներ՝ թաց ձյան և ձնախառն անձրևի տեսքով։ Դեկտեմբերի 10-ի ցերեկը, 11-13-ը սպասվում է առանց տեղումների եղանակ։ Գիշերը և առավոտյան ժամերին սպասվում է մառախուղ։
Այսօր մայրաքաղաքում ցերեկային ժամերին կգրանցվի 4-6, գիշերը` 0-2 աստիճան տաքություն։
