ԵՐԵՎԱՆ, 2 դեկտեմբերի - Sputnik. ՀՀ Ազգային ժողովի նախագահ Արարատ Միրզոյանը մեկնել է Մայր Աթոռ Սուրբ Էջմիածին և հանդիպել Ամենայն հայոց կաթողիկոս Գարեգին Բ-ի հետ։
Նա Facebook–ի իր էջում լուսանկար է հրապարակել իրենց հանդիպումից և գրել.
«Մայր Աթոռ Սուրբ Էջմիածնում հանդիպեցի Ն.Ս.Օ.Տ.Տ. Գարեգին Բ կաթողիկոսի հետ»:
Նշենք, որ երեկվանից` դեկտեմբերի 1–ից, ՀՀ Ազգային ժողովի նախագահ Արարատ Միրզոյանը ոչ ամբողջական գրաֆիկով վերադարձել է աշխատանքի։ Երեկ նա մասնակցել էր «Իմ քայլը» խմբակցության պատգամավորների հետ դռնփակ հանդիպմանը։
Հիշեցնենք` նոյեմբերի 9–ի լույս 10–ի գիշերը` եռակողմ հայտարարության ստորագրումից հետո, Երևանում բողոքի ակցիաներ և անհնազանդություններ էին տեղի ունեցել։ ԱԺ–ի մոտ տեղի ունեցած անհնազանդությունների ժամանակ դաժան ծեծի էր ենթարկվել ԱԺ նախագահ Արարատ Միրզոյանը։ Նա մի քանի վիրահատություն և բուժման երկար կուրս անցավ հիվանդանոցում։
Արարատ Միրզոյանը դե՞մ է եղել եռակողմ հայտարարության ստորագրմանը. «Հրապարակ»
