Մի պետության, որտեղ շարունակաբար հեղաշրջման փորձեր են կատարվում։ Վերջին տեղեկությունները՝ Թուրքիայում ցմահ բանտարկության է դատապարտվել միանգամից գրեթե 340 մարդ, որոնք 4 տարի առաջ ենթադրաբար մասնակցել են երկրի նախագահ Ռեջեփ էրդողանին տապալելու փորձին, այսինքն` ռազմական հեղաշրջման փորձ են իրականացրել։
Ընդհանուր առմամբ՝ այս անգամ Էրդողանի դեմ մահափորձ կատարելու մեղադրանքով դատարանի առջև էր հայտնվել 500 մարդ, այդ թվում` 25 գեներալ։
Հիշեցնեմ՝ վերջին 60 տարվա ընթացքում` այսինքն 1960 թվականից ի վեր, թուրք զինվորականները չորս անգամ հեղաշրջում են իրականացրել և իշխանությունը վերցրել իրենց ձեռքը, մի քանի անգամ էլ միջամտել են քաղաքականությանը։
Պարզապես հիշեցնեմ, թե ինչ պատահեց այս վերջին անգամ։ 2016 թվականի ամռանը՝ հուլիսի 15-ին, մի խումբ զինվորականներ գրավեցին Աքինջի ավիաբազան, որտեղ գտնվում էին Էֆ-16 կործանիչ-ռմբակոծիչներ և պատանդ վերցրեցին բանակի գլխավոր շտաբի պետին։
Իրենք այսպես էին հիմնավորում՝ ուզում ենք վերականգել սահմանադրական կարգը և պաշտպանել մարդու իրավունքներն ու ազատությունները։
Անկարայի և Ստամբուլի փողոցներում տանկեր և զրահամեքենաներ հայտնվեցին։
«Հայաստանը լուրջ վտանգ էր տեսնում Թուրքիայի կողմից». 90–ականների և մեր օրերի նմանությունը
Ապստամբ զինվորականները նպատակ ունեին նաև պատանդ վերցնել նախագահ Ռեջեփ Էրդողանին, բայց նա այն ժամանակ իր արձակուրդն էր անցկացնում Մարմարիս միջերկրածովյան առողջավայրում։ Վերադարձավ Թուրքիա և հեռուստատեսությամբ դիմեց երկրի բնակիչներին, որոնք սատարեցին նրան և դուրս եկան փողոց։
Այնուամենայնիվ, մինչ այդ Աքինջի ավիաբազայում գտնվող ինքնաթիռները հասցրեցին երեք անգամ գնդակոծել երկրի խորհրդարանը, նաև դեպի նախագահական նստավայրը տանող ճանապարհը, ինչի հետևանքով զոհվեց մոտ 70 մարդ, ավելի քան 200-ը վիրավորվեց։
Պաշտոնական տվյալներով՝ այդ հեղաշրջման փորձի ընթացքում զոհվեց 250 քաղաքացի։
Հեղաշրջումից հետո նախագահ Էրդողանը, այսպես ասենք, զանգվածային զտում իրականացրեց՝ աշխատանքից ազատեց մոտ 100 հազար պետական ծառայողի, դասախոսի և դատավորի։ Ընդհանուր առմամբ ցմահ բանտարկության է դատապարտվել մոտ 2,5 հազար մարդ։
Պարտադրված պատերազմն ու աշխարհի լռությունը, կամ ինչպես ապացուցել այն, ինչ ակնհայտ է
