ԵՐԵՎԱՆ, 22 նոյեմբերի - Sputnik. ԱՄՆ նախագահ Դոնալդ Թրամփը վստահ է, որ նախագահական ընտրությունների ընթացքում կեղծիքների մասին իր ունեցած տեղեկությունները բավարար են քվեարկության արդյունքները վիճարկելու համար: Այս մասին Սպիտակ տան ղեկավարը գրել է Twitter- իր էջում։
Why is Joe Biden so quickly forming a Cabinet when my investigators have found hundreds of thousands of fraudulent votes, enough to “flip” at least four States, which in turn is more than enough to win the Election? Hopefully the Courts and/or Legislatures will have....
— Donald J. Trump (@realDonaldTrump) November 22, 2020
«Ինչո՞ւ է Ջո Բայդենն այդքան արագ աշխատակազմ ձևավորում, երբ իմ համախոհները հարյուր հազարավոր կեղծ ձայներ են գտել»,- հարց է տալիս Թրամփը։
Նրա խոսքով՝ առկա տվյալները միանգամայն բավարար են չորս նահանգներում քվեարկության արդյունքները փոխելու համար, և դա ավելին է, քան պետք է ընտրություններում հաղթելու համար:
Դոնալդ Թրամփը հույս է հայտնել, որ դատարանները կամ օրենսդիրները կվերանայեն նախագահական ընտրությունների արդյունքները:
Հիշեցնենք, որ ԱՄՆ-ի նախագահի ընտրություններում, ըստ նախնական տվյալների, հաղթել է Ջո Բայդենը։ Գործող նախագահ Դոնալդ Թրամփը, սակայն, չի ընդունել արդյունքներն ու հայտարարել է, որ նախագահի պաշտոնից կհեռանա միայն այն դեպքում, եթե Բայդենի հաղթանակն օրինական լինի։
Նրա փաստաբանները մի շարք նահանգներում հայցեր են ներկայացրել դատարաններ`պահանջելով կասեցնել կամ վերահաշվարկել և հետաքննել ենթադրյալ ընտրախախտումները։
