ԵՐԵՎԱՆ, 5 նոյեմբերի — Sputnik. Արցախն Ադրբեջանի կազմում որևէ ապագա չունի։ Այսօր ՀՀ ԱԺ–ում նման հայտարարություն արեց ԱԳ նախարար Զոհրաբ Մնացականյանը։
«Չի ունեցել ու չունի։ Նման իրավիճակը նշանակում է Արցախն առանց հայերի։ Դա չի լինելու։ Սա առավել ընդգծված է այսօր»,– ասաց Մնացականյանը։
ԱԳ նախարարը շեշտեց, որ այս գաղափարը ոչ միայն ՀՀ արտաքին քաղաքականության, այլ հայ ժողովրդի համազգային նպատակն է։
«Ես չեմ կարծում, որ որևէ հայ, որտեղ էլ որ գտնվի` Լոս Անջելեսից մինչև Սիդնեյ, Փարիզից մինչև Բեյրութ, Մոսկվայից մինչև Բուենոս Այրես, կարող է համակերպվել այն մտքի հետ, որ մեր 150 000 հայրենակիցները Ղարաբաղում, որոնք մեր ինքնության ամրության պահապանն են, կարող են ենթարկվել վնասի»,– ասաց Մնացականյանը։
Նրա խոսքով` այսօր հայության ողջ համազգային ռեսուրսն ուղղված է Արցախի պահպանման ու փրկության գաղափարին։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 4-ի ժամը 13։30-ի դրությամբ` հակառակորդի կրակոցների հետևանքով հայկական կողմից զոհվել են 1177 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7155 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 252 անօդաչու սարք, 16 ուղղաթիռ, 25 ինքնաթիռ, 697 զրահատեխնիկա, 6 ՏՈՍ համակարգ։
Ձախողված բլիցկրիգը, կամ Բաքվի ծրագրով վարձկանների մասին աշխարհը չպիտի իմանար
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Արցախի նկատմամբ կիրառված ֆոսֆորը դիմավորեք Ադրբեջանում, Իրանում ու Թուրքիայում
