ԵՐԵՎԱՆ, 4 նոյեմբերի — Sputnik. Ադրբեջանի ագրեսիվ գործողությունների հետևանքով Արցախում զոհվել է 46 քաղաքացիական անձ, իսկ 144-ը վիրավոր է։ Այս թվերում ներառված չեն այն բնակավայրերը, ուր ներխուժել են ադրբեջանցի դիվերսիոն խմբերը և որտեղ հիմա ռազմական գործողություններ են ընթանում։ Այսօր հրավիրված ասուլիսի ժամանակ ասաց Արցախի Մարդու իրավունքների պաշտպան Արտակ Բեգլարյանը։
«Քաղաքացիական օբյեկտների շրջանում, մեր համեստ հաշվարկներով ,ավելի քան 13 800 անշարժ փաստական գույք է վնասվել` բնակարաններ և տներ, 3100 ենթակառուցվածքներ (ջրի և գազի մատակարարման խողովակներ և այլն), արտադրական, ինչպես նաև հանրային նշանակության (դպրոցներ և մանկապարտեզներ) օբյեկտներ են վնասվել»,–ասաց Բեգլարյանը։
Նրա խոսքով` նոյեմբերի 2-ի տվյալներով` 61 դպրոց, այսինքն` դպրոցների 27-28 տոկոսը, և 10 մանկապարտեզ է վնասվել։ Բացի այդ, 2100 մեքենա և շարժական գույք է վնասվել։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 2-ի ժամը 19։00-ի դրությամբ` հակառակորդի կրակոցների հետևանքով Արցախում զոհվել են 1177 զինծառայողներ։ Քաղաքացիական անձանց շրջանում կա 46 զոհ ու 142 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7095 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 251 անօդաչու սարք, 16 ուղղաթիռ, 25 ինքնաթիռ, 685 զրահատեխնիկա, 6 ՏՈՍ համակարգ։
Ում պետք չէ ռազմաճակատ տանել. պատմության դասերը
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
«Բառերը քիչ են, որ նկարագրեմ». ռազմաճակատից եկած հոր ու նորածին դստեր 1–ին հանդիպումը
