ԵՐԵՎԱՆ, 20 հոկտեմբերի –Sputnik. Այս պահին արյուն հանձնելու կարիք չկա։ Առաջին կարգի ռեզուս դրական արյան անհրաժեշտ խմբաքանակն արդեն ապահովված է։ Տեղեկությունը Facebook-ի իր էջում գրել է ԱՆ մամուլի խոսնակ Ալինա Նիկողոսյանը։
«Սիրելի հայրենակիցներ, շնորհակալ ենք բոլոր այն կամավորներին, ովքեր արագ արձագանքեցին և հաշված րոպեների ընթացքում կատարեցին արյունատվություն` առաջին կարգի ռեզուս դրական արյան անհրաժեշտ խմբաքանակն ապահովելու համար:
Մեր կամավորների պատրաստակամության և բուժանձնակազմի անդադար աշխատանքի շնորհիվ` հնարավոր դարձավ շատ կարճ ժամանակահատվածում համալրել արյան անհրաժեշտ պաշարը։ Տեղեկացնում ենք, որ այս պահին դրա կարիքը այլևս չկա»,–գրել է նա:
Նա կրկին շնորհակալություն է հայտնել կոչերին հետևողական լինելու և մշտապես աջակցելու համար:
Նշենք, որ առողջապահության նախարարությունը պարբերաբար հայտարարություն է տարածում մարտական գործողություններից վիրավորվածների համար այս կամ այն կարգի արյան անհրաժեշտության մասին։ Քաղաքացիներն արագ արձագանքում են և կարճ ժամանակում Առողջապահության նախարարության պրոֆեսոր Յոլյանի անվան արյունաբանական կենտրոնի մոտ հերթեր են գոյանում։
Մեծավանցի երեխաները բանակի համար 68000 դրամ են հավաքել ու տարել համայնքապետարան․ լուսանկար
