ԵՐԵՎԱՆ, 12 հոկտեմբերի – Sputnik. Այսօր Էստոնիայի կառավարող կոալիցիայի մաս կազմող պահպանողական կուսակցությունը խորհրդարանում հանդես է եկել Հայաստանի ու Արցախի դեմ Ադրբջանի սանձազերծած պատերազմը քննադատող հայտարարությամբ։ Հայտարարությունը հնչեցրել է պատգամավոր Ուրմաս Էսպենբերգը, որը խմբակցության անունից մտահոգություն է հայտնել Ադրբեջանի կողմից Հայաստանի ու Արցախի Հանրապետության դեմ սանձազերծված լայնածավալ ռազմական ագրեսիայի կապակցությամբ: Տեղեկությունը Facebook–ի իր էջում հայտնել է Էստոնիայում ՀՀ արտակարգ և լիազոր դեսպան Տիգրան Մկրտչյանը։
«Մենք կոչ ենք անում Ադրբեջանի իշխանություններին անհապաղ դադարեցնել քաղաքացիական ենթակառուցվածքների ռմբակոծությունն ու հրետակոծությունը, ինչի պատճառով ամեն օր զոհվում և վիրավորվում են խաղաղ բնակիչներ: Մենք կոչ ենք անում Թուրքիային դադարեցնել ռազմատեխնիկական օժանդակությունն Ադրբեջանին և բացահայտ աջակցությունը՝ հարցի ռազմական ճանապարհով լուծմանը բարձրաստիճան սպայական կազմի ներգրավմամբ և դադարեցնել ջիհադիստական ահաբեկչական խմբավորումների ձևավորումն ու ուղղորդումն ադրբեջանա-ղարաբաղյան ճակատ»,– ասված է հայտարարության մեջ։
Պահպանողական կուսակցության ներկայացուցիչն անդրադարձել է նաև պատմության ընթացքում Թուրքիայի ու Ադրբեջանի կողմից հայերի հետապնդման փաստերին` 19-րդ դարի վերջին, 1909, 1988, 1990թթ–ին, ինչպես նաև 1915 թվականին Օսմանյան կայսրությունում կազմակերպված հայերի Ցեղասպանությանը։ «Մենք պետք է ամեն ինչ անենք, որ նման ջարդ չկրկնվի»,– հայտարարել է պատգամավորը։
Հայտարարության մեջ նշվում է նաև, որ պատմության ընթացքում հայկական տարածքը կրճատվել է 10 անգամ, և Խորհրդային Միության կազմում այն արդեն ամենափոքր հանրապետությունն էր:
Միրզոյանը Մատվիենկոյի հետ խոսել է Ադրբեջանի կողմից հրադադարի ռեժիմի չպահպանման մասին
«Արարատը՝ հայերի ազգային խորհրդանիշը, որտեղ հանգրվանել է Նոյան տապանը, ժամանակին երկրի կենտրոնն էր: Հիմա հայերն այն տեսնում են միայն հորիզոնում կամ հայկական կոնյակի շշի վրա՝ որպես նշան: Նույնն էլ Վանը, որը ժամանակին Հայաստանի ներքին լիճ էր: Այս տարածքներում բնակվող հայերը տեղահանվեցին և (կամ) սպանվեցին: Մենք պետք է ամեն ինչ անենք, որ նոր սպանդ չլինի: Այդ նպատակով չպետք է թույլ տալ, որ հակամարտությունը սրվի»,– ասել է Էսպենբերգը:
Խմբակցության ներկայացուցիչը հակամարտող կողմերին կոչ է արել հետևել հոկտեմբերի 1-ին ԵԱՀԿ Մինսկի խմբի համանախագահ երկրների (ԱՄՆ, Ֆրանսիա, Ռուսաստան) նախագահների կողմից արված համատեղ հայտարարությանը և վերադառնալ բանակցությունների սեղան, քանզի հարցի կարգավորմանը, էստոնացի քաղաքական գործիչների համոզմամբ, կարելի է հասնել միայն բանակցությունների միջոցով։
Նշենք, որ Էստոնիայի մայրաքաղաք Տալլինում այսօր` հոկտեմբերի 12-ին, նաև բողոքի ակցիա էր կազմակերպվել` հայ ժողովրդի նոր ցեղասպանությունը, հայերի նկատմամբ ահաբեկչությունն ու ռազմական հանցագործությունները դադարեցնելու պահանջով։
Ակցիայի մանակիցները հայտարարել են, որ ԼՂ–ում` իրենց պատմական հողի վրա բնակվող հայերն այս պահին պայքարում ամբողջ միջազգային ահաբեկչությն դեմ` հանուն իրենց գոյության ու ինքնորոշման իրավունքի։
Ակցիայի մասնակիցները կոչ են արել ճանաչել Արցախի անկախությունը` որպես այդ փոքրիկ երկրի փրկության միակ ճանապարհ։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 12-ի ժամը 18։00-ի դրությամբ` հակառակորդի կրակոցների հետևանքով զոհվել են 480 զինծառայողներ և 20 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4719 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 168 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 514 տանկ և ՀՄՄ:
Ինչին պետք է ընտելանանք, եթե Ադրբեջանի հետ պատերազմը երկարի
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։
Հրադադար, բայց ոչ խաղաղություն. ի՞նչ խնդիր պետք է լուծի բանակը արցախյան պատերազմից հետո
