ԵՐԵՎԱՆ, 12 հոկտեմբերի - Sputnik. ԱՄՆ-ի ամենահարուստ կինը` Քայլի Ջեները, որը Քիմ Քարդաշյանի կրտսեր քույրն է, Instagram-ում աջակցություն է հայտնել Արցախին: 23-ամյա միլիարդատերը հրապարակել է Արցախի դրոշը` վրան նշելով բացականչական նշաններ։
Բացի այդ նա հրապարակել է Քիմ Քարդաշյանի՝ «Հայաստան» համահայկական հիմնադրամին նվիրաբերումներ կատարելու կոչը: Ինքը ՝ Քարդաշյանը, արդեն մեկ միլիոն դոլար է հանգանակել է հիմնադրամին:
Հատկանշական է, որ Քայլիի երակներում հայի արյուն չի հոսում։ Նա միայն մայրական կողմից է Քիմ, Քորթնի, Քլոե և Ռոբ Քարդաշյանների քույրը։ Ընտանիքի մայրը ՝ Քրիս Ջեները, իռլանդացի է:
Մինչ օրս Քայլին երբեք չէր միացել ավագ քրոջ հայանպաստ գործունեությանը։
Քիմը և մյուս Քարդաշյան քույրերն ակտիվորեն ներգրավված են հայաստանյան իրադարձություններին, այցելել են իրենց պատմական հայրենիք և իրենց երեխաներին կնքել հայկական եկեղեցիներում։
Քայլին Instagram-ում ավելի շատ հետևորդներ ունի, քան Քիմը: Քիմին հետևում է 189 միլիոն մարդ, իսկ Քայլիին՝ 197:
2014-ին Քայլին հիմնել է կոսմետիկայի սեփական ապրանքանիշը՝ Kylie Cosmetics, որը նրան մեծ եկամուտներ է բերում: Նա համարվում է ԱՄՆ-ի ամենահարուստ կինը և աշխարհի ամենաերիտասարդ կին միլիարդատերը:
