ԵՐԵՎԱՆ, 2 հոկտեմբերի - Sputnik. Բունդեսթագի պատգամավոր Ջեմ Օզդեմիրը «Tagesschau» պարբերականին տված հարցազրույցում ասել է, որ Թուրքիայի նախագահ Ռեջեփ Թայիփ Էրդողանը ձգտում է հակամարտություններ հրահրել, որպեսզի իր քաղաքացիներին շեղի ներքին ճգնաժամից։
«Էրդողանը զգում է, որ իր իշխանությունն աստիճանաբարը թուլանում է, և նա ռազմական հռետորաբանությամբ ցանկանում է ուշադրությունը շեղել տնտեսության կտրուկ անկումից»,– ասել է նա։
Էզդեմիրը նշել է` Էրդողանը պաշտպանում է Ադրբեջանում ազգայնական և ռևանշիստական տրամադրությունները։
«Հատկապես անընդունելի է, որ Թուրքիան հայերի դեմ է հանդես գալիս` հաշվի առնելով պատմական պարտքը Թուրքիայի հայերի առջև»,– նշել է Էզդեմիրը։
Նշենք, որ արմատներով թուրք Էդզեմիրը եղել է հայերի, հույների և ասորիների ցեղասպանության ճանաչման բանաձևի համահեղինակը (Բունդեսթագն ընդունել է այդ բանաձևը)։
Նա ընդգծել է, որ Գերմանիայի կառավարությունը ֆրանսիացի գործընկերների հետ համատեղ պետք է աշխատի ԵԱՀԿ շրջանակներում շուտափույթ բանակցություններ սկսելու ուղղությամբ։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ադրբեջանի սանձազերծած ագրեսիայի ընթացքում Թուրքիան աջակցում է Ադրբեջանին։
Հոկտեմբերի 2-ի ժ. 12-ի դրությամբ` հակառակորդի կրակոցների հետևանքով զոհվել են 158 զինծառայողներ և 7 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 1750 զոհ ունի, 2700 վիրավոր։
«Մենք ձեզ սնիկերս, դուք մեզ` խոցված տանկեր». աղջիկների գրությունները զինվորներին
Արցախում և Հայաստանում ռազմական դրություն և համատարած զորահավաք է հայտարարվել։
«Մենթալիտետն է բարբարոսական». գնդապետը ռուսաստանցի լրագրողի հարցին պատասխան չգտավ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։
Օրվա կադր. մարտադաշտից դուրս պայքար` հանուն կյանքի
