ԵՐԵՎԱՆ, 22 սեպտեմբերի Sputnik. ԱԺ «Իմ քայլը» խմբակցության պատգամավոր Արմեն Փամբուխչյանն, օգտվելով արտահերթ նիստում ընձեռված հնարավորությունից, ԱԺ ամբիոնից վերջին ելույթն ունեցավ։
Պատգամավորը հիշեցրեց, որ սեպտեմբերի 17-ին պատգամավորական մանդատից հրաժարվելու դիմում է ներկայացրել, որն ընդունելու ժամկետը լրանում է վաղը` սեպտեմբերի 24-ին։ Հետևաբար, այսօր ԱԺ պատգամավորի կարգավիճակով ինքը վերջին անգամ է մասնակցում ԱԺ նիստին։
Պատգամավորն իր ելույթում շնորհակալություն հայտնեց գործընկերներին։
«Հատկապես այն պատգամավորներին, որոնց հետ, անկախ իրենց քաղաքական հայացքներից ու ֆրակցիայից, կարողացանք կառուցել մարդկային ջերմ ու լավ հարաբերություններ»,– ասաց Փամբուխչյանը` ԱԺ–ում մնացող գործընկերներին մաղթելով ուժ, եռանդ, սեր և համերաշխություն։
Արմեն Փամբուխչյանը հրաժարվել է պատգամավորական մանդատից
Խորհրդարանը ծափահարություններով ճանապարհեց մանդատը վայր դրած գործընկերոջը։
Փամբուխչյանն ավելի ուշ լրագրողների հետ զրույցում հաստատեց մամուլում շրջանառվող լուրերը՝ առաջիկայում նշանակվելու է ԱԻՆ փոխնախարար:
Հիշեցնենք` Ազգային ժողովի «Իմ քայլը» խմբակցության պատգամավոր Արմեն Փամբուխչյանը սեպտեմբերի 17-ին հրաժարականի դիմում էր ներկայացրել, որի մասին հայտնել էր Facebook-ում կատարած գրառմամբ։
ԱԺ–ն արտահերթ նիստ է գումարել. խորհրդարանը պիտի հասցնի փրկել կառավարությանը
Որոշ տեղեկություններով՝ Փաշինյանը որոշել է նրան պատրաստել ԱԻ նախարարի պաշտոնի համար, քանի որ 2 տարուց լրանում է Ֆելիքս Ցոլակյանի 70-ամյակը, և նա, թերևս, թոշակի կանցնի:
