Ճապոնիայում սեպտեմբերի 6-ին մոլեգնել է վերջին 50 տարվա ընթացքում ամենաուժեղ «Հայշթեն» թայֆունը։ Տարհանվել են ավելի քան 1.6 մլն մարդ։ Բացի այդ, կառավարությունը խորհուրդ է տվել տեղի իշխանությանը վտանգավոր տարածքներից դուրս բերել ևս մոտ 6 մլն մարդու։
«Հայշենը» բնութագրվում է որպես սուպերթայֆուն, որի կենտրոնում քամու արագությունը հասնում է 80 մետր/վ կամ մոտ 290 կմ/ժ։
Ճապոնական լրատվամիջոցների տվյալներով` թայֆունի պատճառով ոչ պակաս, քան 50 մարդ է տուժել։ Ուժեղ քամին արդեն իսկ վնասել է էլեկտրահաղորդման գծերը, մի քանի հարյուր հազար տուն հոսանքազրկվել է։ Թայֆունի պատճառով Ճապոնիայում ստիպված են եղել չեղարկել հարյուրավոր չվերթեր և դադարեցնել մի շարք գնացքների երթևեկությունը։
Թայֆունը հասել է նաև Հարավային Կորեայի ափերին։ Քամու առավելագույն ուժգնությունը 41.8 մետր/վ է։ Գրանցվել են 184,5 մմ տեղումներ։
Պրիմորյեում «Մայսակ» թայֆունի պատճառով արտակարգ իրավիճակ է. կան զոհեր և տուժածներ
Օդերևութաբանների կանխատեսմամբ` «Հաշթենը» շարժվելու է Կորեական թերակղզու արևելյան ափի երկայնքով, մինչև կհասնի Չխոնջին հյուսիսկորեական քաղաք, որտեղ ինչպես սպասվում է, այն պետք է թուլանա։
Պրիմորիեում թայֆունի պատճառով մինչև սեպտեմբերի 9-ը հայտարարվել է փոթորկի վտանգի մասին։
