ԵՐԵՎԱՆ, 3 սեպտեմբերի - Sputnik․ Այսօր՝ սեպտեմբերի 3-ին, խոշոր ու ողբերգական ավտովթար է տեղի ունեցել Արարատի մարզում: Կա զոհ։ Տեղեկությունը հայտնում է shamshyan.com-ը։
Կայքի տեղեկություններով` ժամը 18:10-ի սահմաններում Mitsubishi Lancer մակնիշի 57 VՍ 777 համարանիշի ավտոմեքենայի վարորդը Ներքին Չարբախից դեպի Մասիս տանող ճանապարհահատվածում՝ Նորաբաց գյուղի վարչական տարածքում, դեռևս անհայտ հանգամանքներում, դուրս է եկել ճանապարհի երթևեկելի գոտուց, մոտ 30 մետր օդում առաջ ընթանալով, բախվել է քարե շինությանն ու գլխիվայր շրջվել:
Վթարի հետևանքով վարորդը տեղում մահացել է: Արտակարգ իրավիճակների նախարարության փրկարար ծառայության Արարատի մարզային հրշեջ-փրկարարական վարչության Մասիսի հրշեջ-փրկարարները քաղաքացիների օգնությամբ, օգտագործելով հատուկ տեխնիկա, կարողացել են դին դուրս բերել ավտոմեքենայից:
Փաստի առթիվ նյութեր են նախապատրաստվում:
Սարսափելի վթար Վրաստանում. 17 մարդ մահացել է, կան վիրավորներ
