ԵՐԵՎԱՆ, 31 օգոստոսի – Sputnik, Լև Ռիժկով․ ՌԴ Պետական դումայի կրթության և գիտության կոմիտեի փոխնախագահ Մաքսիմ Զայցևը Sputnik-ին ասաց, որ օտարերկրյա ուսանողներին ՌԴ տարածք թողնելու խնդրանքով դիմումն արդեն իսկ քննարկվում է:
«Մենք կառավարության հետ խոսել ենք այդ թեմայով, և հիմա այդ հարցը ակտիվ մշակման փուլում է։ Կարծում եմ, որ շուտով ռուսական բուհերում ուսանելու հնարավորություն կընձեռվի օտարերկրացի բոլոր ուսանողներին», - վստահեցրեց պատգամավորը։
Պատգամավորի խոսքով՝ կառավարության պատասխանը կարող է շատ արագ լինել։
«Նման հարցերը շատ օպերատիվ են քննարկում,-ասաց Զայցևը,-կարծում եմ` պատասխանը կլինի ամենաուշը շաբաթվա վերջին, ամենայն հավանականությամբ՝ սեպտեմբերի 2-3-ին»։
Բացի այդ, վճռվում է, թե ինչ սահմանափակումներ կլինեն Ռուսաստան մեկնող ուսանողների համար։
«Երկու տարբերակ է քննարկվում,-նշեց Զայցևը,-ուսանողները կա՛մ պետք է կարանտին պահեն, կա՛մ էլ անալիզներ հանձնելուց անմիջապես հետո անցնեն դասերին»։
Ռուսաստանի դպրոցներում և բուհերում դասերը կմեկնարկեն սեպտեմբերի 1-ից, բայց մեկ պայմանով
Գիտության և բարձրագույն կրթության նախարարությունում առայժմ ձեռնպահ մնացին այդ նախաձեռնության վերաբերյալ մեկնաբանություններից և հայտարարեցին, որ սպասում են կառավարության կարգադրությանը:
Հիշեցնենք` օտարերկրյա քաղաքացիների մուտքը ՌԴ սահմանափակվել է 2020 թվականի մարտին կորոնավիրուսային վարակի տարածման պատճառով: Հուլիսին մի շարք օտարերկրյա քաղաքացիներ ՌԴ մուտքի թույլտվություն են ստացել։
Նոր առցանց ծառայությունը Հայաստանի դիմորդներին կօգնի ընդունվել ռուսական բուհեր
