ԵՐԵՎԱՆ, 22 օգոստոսի — Sputnik. Երևանում գողության մեղադրանքով հետախուզվող 56-ամյա կինը բերման է ենթարկվել։ Տեղեկությունը հայտնում է ՀՀ ոստիկանության մամուլի ծառայությունը։
«Ոստիկանության Նոր Նորքի բաժնի ՔՀԲ ծառայողների ձեռնարկած միջոցառումների շնորհիվ օգոստոսի 21-ին Տ. Պետրոսյան փողոցից բերման է ենթարկվել 56-ամյա Լուսիկ Հ.-ն, որը հետախուզվում էր ՀՀ քրեական օրենսգրքի 177-րդ հոդվածի (Գողությունը) մեղադրանքով»,–նշված է հաղորդագրության մեջ:
Կինը ներկայացվել է նախաքննական մարմնին:
Ավելի վաղ իրավապահները Գայի պողոտայից բերման էին ենթարկել Բուզանդ փողոցի 46-ամյա մի բնակչուհու, որը թիվ 54 միկրոավտոբուսում մի կնոջ պայուսակից դրամապանակ էր հափշտակել, որի մեջ գումար, անձնագիր ու կուտակային քարտեր էին եղել։
Հրազդանի դատարանից 37-ամյա տղամարդը փախուստի է դիմել` նետվելով պատուհանից
