ԵՐԵՎԱՆ, 19 օգոստոսի – Sputnik. ՀՀ առողջապահության նախարարությունը հայտնում է, որ Հայաստանում վերջին մեկ օրում կորոնավիրուսից մահացել է 1 մարդ։
«Պացիենտը եղել է 70 տարեկան կին և ունեցել է ուղեկցող քրոնիկական հիվանդություններ»,–նշված է հաղորդագրության մեջ։
Նախորդ օրն արձանագրվել է մահվան 4 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով:
Այսպիսով` ունենք կորոնավիրուսային հիվանդությամբ հաստատված 210 նոր դեպք։ Օգոստոսի 19–ի տվյալներով` Հայաստանում կորոնավիրուսով վարակվածների թիվը հասել է 42 056–ի։ Այս պահին փաստացի բուժում է ստանում 5 748, կատարվել է 188 567 թեստավորում, առողջացել են վարակվածներից 35 226-ը։ Գրանցվել է մահվան 833 (+1) դեպք։ Այլ պատճառով մահացածների թիվն ավելացել է չորսով և հասել 249 (+4)-ի։
