ԵՐԵՎԱՆ, 3 օգոստոսի — Sputnik. Վերջին 1 օրվա ընթացքում Հայաստանում կորոնավիրուսով վարակվածներից 8–ը մահացել են, որոնցից ամենաերիտասարդը 57 տարեկան տղամարդ է։ Տեղեկությունը հայտնում է ՀՀ առողջապահության նախարարությունը։
Մահացածներից երեքը կանայք են` 58, 72 և 75 տարեկան, 5–ը` տղամարդիկ` 57,68,71, 72, 90 տարեկան։
Ըստ հաղորդագրության` բոլորն ունեցել են ուղեկցող խրոնիկական հիվանդություններ։
Նշենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 52–ով և դարձել 39 102։
Այս պահին փաստացի բուժում է ստանում 8 251 մարդ, կատարվել է 167 095 թեստավորում, առողջացել են վարակվածներից 29 861–ը։ Կորոնավիրուսով վարակված, բայց այլ հիվանդության պատճառով մահացածների թիվը 228 է։
COVID-19-ի նկատմամբ դիմադրողականություն կարող են ունենալ նաև երբեք չվարակված մարդիկ
