ԵՐԵՎԱՆ, 30 հուլիսի – Sputnik. ՀՀ կառավարությունը փորձում է լուծել բնակարաններ գնած, բայց այդպես էլ չստացած սեփականատերերի խնդիրները։ Համապատասխան որոշումն այսօր կառավարության նիստում ներկայացրեց ֆինանսների նախարար Ատոմ Ջանջուղազյանը։
Նա հայտնեց, որ մտահղացումն առաջացել է մեկ նախադեպից, բայց կարող է տարածվել նաև նմանօրինակ այլ իրավիճակների վրա։
«Խոսքը վերաբերում է նրան, որ կառուցապատողի հետ կնքված պայմանագրով գնորդները կատարել են վճարումներ, բայց ընթացքում կառուցապատողը սնանկ է ճանաչվել, ու մեկ այլ ընկերություն կառուցապատումն ավարտելու իրավունք է ձեռք բերել։ Այստեղ ստացվում է, որ մի կողմից կա բարեխիղճ գնորդ, որը կատարել է մասնակի վճարում, մյուս կողմից կա կառուցապատման իրավունք ձեռք բերած կառուցապատող, բայց կա խնդիր մինչ այդ վճարած գումարների հետ»,– ասաց նախարարը։
Ներկայացված կարգավորմամբ առաջարկվում է մինչ այդ կատարված գործարքը ճանաչել շուկայական գնից ցածր գործարք ու առաջացած խնդիրը իրավական այդ կարգավորման համատեքստում լուծելու իրավունք տալ կողմերին։
Կառավարությունը կվճարի սոցիալական կացարաններում բնակվող միայնակների կոմունալ վճարները
Ջանջուղազյանը հայտնեց, որ իրավական նոր կարգավորումը կտարածվի սնանկ ճանաչված կառուցապատողի հետ մինչև 2015 թվականի հունվարի 1-ը կնքված ինչպես բնակելի շենքերի բնակարանների, այնպես էլ ոչ բնակելի տարածքների օտարման պայմանագրերի վրա։
Պետությունը գայթակղում է հիփոթեքով. որքան աշխատավարձ է պետք բնակարան գնելու համար
Նախարարի խոսքով` տարեթիվը պատահական չի ընտրվել։ Բանն այն է, որ 2015թ–ից հետո փոխված օրենսդրությունն արդեն թույլ է տվել կանխարգելել գնորդին խաբելու ռիսկը։
Աջափնյակի վթարային շենքերից մեկի բնակիչները տուն կստանան նորակառույցում
